O Pleno do Concello, en sesión do 29 de decembro de 1995, acordou aprobar inicialmente a delimitación e o estudio de detalle dunha unidade de actuación en San Martín de Laraño, promovidos por Castelar de Gestión, S.L., fixando como sistema de actuación o de compensación.
O ámbito da unidade é a parte da parcela nº 51 da concentración parcelaria de San Martín de Laraño, propiedade de Carmen Codesido Quintáns, afectado pola ordenanza 12.
Os expedientes expóñense ó público no Negociado de Planeamento e Xestión polo prazo de 15 días contados desde o seguinte ó da publicación deste anuncio no BOP e no Diario Oficial de Galicia co obxecto de que os interesados poidan presenta-las alegacións que xulguen oportunas.
O acordo de aprobación inicial do estudio de detalle comporta a suspensión, por un prazo máximo de dous anos do outorgamento de licencias para parcelacións, edificacións e derrubas no ámbito da unidade, ó abeiro do previsto no artigo 102.2º do texto refundido da Lei do solo.
Contra o acordo de suspensión de licencias pódese interpor recurso contencioso-administrativo perante o Tribunal Superior de Xustiza de Galicia no prazo de dous meses contados a partir da data de publicación deste anuncio.
Santiago de Compostela, 9 de febreiro de 1996.
O alcalde
Rubricado
517