Obxecto: fomento da creatividade e terapia grupal, dirixido ás persoas maiores e minusválidos, a través da iniciación ás artes plásticas, e contando con actividades de animación socio-cultural e relaxación.

Tipo de licitación: 3.400.000 ptas. (IVE incluído)

Prazo de execución: durante o período comprendido entre os meses de marzo a decembro de 1996.

Garantía provisional: 68.000 ptas.

Clasificación económica: non se esixe.

Exposición de pregos: os pregos de cláusulas administrativas particulares e de prescricións técnicas poderán examinarse na Dirección Xeral de Servicios Sociais, en días hábiles desde as 9 ata as 14 horas, durante o prazo de presentación de proposicións.

Presentación de proposicións: as proposicións deberán presentarse en sobres pechados e asinados polo licitador ou persoa que o represente, no rexistro xeral da Consellería de Sanidade e Servicios Sociais, antes das 14 horas do décimoterceiro día natural contado a partir do seguinte ó da publicación desta resolución no DOG.

Apertura de proposicións: terá lugar na sala de xuntas da Dirección Xeral de Servicios Sociais, ás 11 horas do quinto día natural contado desde o seguinte a aquel no que finalice o prazo de presentación de ofertas. No caso de que o devandito día coincida en sábado ou festivo, a apertura das proposicións terá lugar o primeiro día hábil seguinte.

Documentación que deberán achega-los licitadores: os documentos sinalados no prego de cláusulas administrativas. As empresas que desexen facer vale-la súa inscrición no Rexistro de Contratistas da Comunidade Autónoma de Galicia deberán indicalo en documento á parte, grampado exteriormente no sobre da documentación persoal.

Variantes: non se admiten.

Anuncios: o pagamento dos anuncios do presente concurso correrá por conta do adxudicatario do contrato.

Santiago de Compostela, 6 de febreiro de 1996.

P.D. (Orde 7-5-1994)

Manuel Aguilar López

Director Xeral de Servicios Sociais

997