Para os efectos previdos no artigo 9 do Decreto 2617/1966, do 20 de outubro, sométese a información pública a petición de instalación de C.T. de 160 kVA no edificio Mercurio da rúa Redondela, coas seguintes características especiais:

Peticionario: Sestelo y Cía, S.A.

Lugar no que se vai establece-la instalación: no edifico Mercurio da rúa Redondela, no concello de Ponteareas.

Finalidade da instalación: mellora-la subministración eléctrica na zona.

Características principais: C.T. de 160 kVA, relación de transformación 15/20 kV-220/380 V.

Orzamento: 2.447.694 ptas.

O que se fai público para que poida ser examinado o proxecto da instalación nestas oficinas, sitas na Rúa Nova de Abaixo, nº 2, e formularse contra el as reclamacións, por duplicado, que se consideren oportunas, no prazo de trinta días contados a partir do seguinte ó da publicación desta resolución.

Pontevedra, 29 de novembro de 1995.

Ramón Álvarez Abad

Delegado provincial de Pontevedra

95-0580