Concurso: procedemento aberto, polo trámite de urxencia, para a contratación dos servicios de osixenoterapia, aerosolterapia e ventiloterapia a domicilio ós beneficiarios da Seguridade Social na provincia de Lugo.
Orzamento: 136.638.000 ptas.
Garantía provisional: 2.732.760 ptas.
Documentos de interese para os licitadores: os pregos de condicións administrativas particulares e precricións técnicas pódense solicitar na Dirección Xeral de Recursos Económicos (Servicio de Concertos e Recursos Propios), edificio administrativo de San Caetano, bloque 2, 2º Santiago de Compostela, en días laborais desde as 9 ata as 14 horas.
Prazo e lugar de presentación das proposicións: as proposicións presentaranse antes das 14 horas do décimo terceiro día hábil desde a súa publicación e segundo establece o apartado 8 do prego de cláusulas administrativas particulares.
Data de apertura das proposicións: a apertura das proposicións admitidas será realizada pola mesa de contratación, reunida en acto público na sala de xuntas da consellería, ás 10 horas do décimo primeiro día natural, contado a partir do seguinte a aquel en que remate o prazo de presentación de ofertas; no caso de que o devandito día coincida en sábado ou festivo, a apertura das proposicións terá lugar o seguinte día hábil.
Documentación que deberán achega-los licitadores: documentos que figuran no prego de cláusulas administrativas particulares e na forma en que nel se sinala.
Santiago de Compostela, 31 de xaneiro de 1996.
Antonio Carbajo Romero
Director xeral de Recursos Económicos
0895