Por Orde do 5 de xullo de 1995, do conselleiro de Política Territorial, Obras Públicas e Vivenda, e Resolución do 18 de xaneiro de 1996, da Dirección Xeral de Transportes, outorgouse, con carácter definitivo, á empresa Manuel y Avelino Garrido, S.L., a concesión do servicio público regular permanente de uso xeral de transportes de viaxeiros por estrada entre San Clemente e Pontevedra, con anexos V-0461; XG-028, por substitución da concesión V-0461; XG-208, entre Cuntis e Pontevedra, con prolongación a San Clemente, de acordo, entre outras, coas seguintes condicións particulares:
1. Itinerarios e puntos de parada.
* San Clemente, Estacas, Teaño, Cuntis, Souto, Moraña, Mane, Porráns, San Antonio, Cerponzóns e Pontevedra.
* Moraña, Paraños e Amil.
* Souto e Penagrande.
* Estacas, Casal, Magán, Gontade, Bragaña e Teaño.
2. Expedicións:
San Clemente-Pontevedra (36,5 km).
* Unha expedición de ida e volta os martes, mércores e venres laborais.
Cuntis-Pontevedra (30,5 km).
* Unha expedición de ida e dúas de volta diarias.
* Tres expedicións de ida e unha de volta de luns a venres laborais.
* Unha expedición de ida e tres de volta os días laborais.
* Unha expedición de ida os luns, xoves, sábados, domingos e festivos.
* Unha expedición de volta os luns e xoves laborais.
Amil-Pontevedra (32 km).
* Unha expedición de ida os días laborais.
Moraña-Pontevedra (24 km).
* Unha expedición de ida de luns a venres laborais.
* Unha expedición de volta os días lectivos.
Amil-Moraña (8 km).
* Dúas expedicións de volta os días laborais.
Penagrande-Moraña (4,5 km).
* Unha expedición de ida e volta os martes, mércores e venres laborais.
San Clemente-Cuntis por Estacas, Magán e Teaño (12,7 km).
* Unha expedición de ida e volta os luns, xoves e sábados laborais.
3. Tarifas.
Tarifa aplicable:
-Tarifa partícipe por viaxeiro/km: 8,3964 pesetas.
-Tarifa usuario: 8,9841 pesetas.
-Exceso de equipaxes e encargos: 1,2594 pesetas.
Santiago de Compostela, 18 de xaneiro de 1996.
Juan Carlos Villarino Tejada
Director xeral de Transportes
482