En cumprimento do prevido polo artigo 117 do Real decreto lexislativo 1/1992, do 26 de xuño en relación cos artigos 65.2º e 70.2º da Lei 7/1985, do 2 de abril, a continuación insírase o acordo plenario adoptado en sesión do 18 de decembro de 1995, polo que se deu aprobación definitiva ó

proxecto de urbanización do parque empresarial de Ponteceso:

3. Aprobación definitiva proxecto urbanización parque empresarial Ponteceso.

Non solicitándose intervención ningunha, a presidencia somete o asunto a votación ordinaria, de forma que, por unanimidade dos concelleiros presentes, que forman a maioría absoluta do número legal dos membros desta corporación tal e como require o artigo 47.3º i) da Lei 7/1985, do 2 de abril, adóptase o seguinte acordo:

1. Ratifica-lo contido íntegro do expediente de referencia, por considerar que este se axusta ás prescripcións previdas polos artigos 117, 119 e 121 do Real decreto lexislativo 1/1992, do 26 de xuño, artigos 141, 127 ó 130 e 132 ó 134 do Real decreto 2159/1978, do 23 de xuño, artigos 31 da Lei 11/1985, do 22 de agosto, e demáis disposicións concordantes de aplicación e, consecuentemente, aprobar definitivamente o proxecto de ubanización do parque empresarial de Ponteceso, redactado pola empresa Ingeniería del Atlántico, S.A. (I.D.A.S.A.), por encargo de Xestur, A Coruña, tal e como foi aprobado inicialmente en sesión plenaria do 24 de xullo de 1995, xa que no período de alegacións, non foi presentada ningunha, quedando redactado o indicado instrumento tal e como foi presentado.

2. Publica-lo presente acordo no BOP e no Diario Oficial de Galicia, acordo que é firme na vía administrativa, polo que unha vez transcorrido o prazo sinalado por artigo 70.2º en relación co 65.2º da Lei 7/1985, do 2 de abril, poderase recorre-la presente ante a sala competente do Tribunal Superior de Xustiza de Galicia, logo de cumprimento do prevido polo artigo 110.3º da Lei 30/1992, do 26 de novembro.

3. Sen prexuízo do acordado no apartado precedente, comunícaselle o presente acordo á Consellería de Política Territorial, Obras Públicas e Vivenda, así como os organismos que inteviñeron no presente expediente.

Ponteceso, 26 de decembro de 1995.

José Luis Fondo Aguiar

Alcalde

76