En cumprimento da legalidade vixente, anúnciase concurso público aberto para a contratación polo Instituto Galego de Promoción Económica (Igape) de cursos de formación para xoves emprendedores correspondentes ó programa Lanza para 1996.

1. Entidade contratante: Instituto Galego de Promoción Económica (Igape), r/ Frei Rosendo Salvado 16-baixo, 15701 Santiago de Compostela, Teléf. (981) 54 11 87, fax: (981) 59 04 67.

2. Modalidade de adxudicación: concurso público aberto.

3. Obxecto do contrato: lote 1, lote 2, lote 3, lote 4, lote 5, lote 6, lote 7 e lote 8: consistentes cada un deles no deseño, programación, organización e impartición dun curso de dirección operativa, dirixido a xoves emprendedores participantes no programa Lanza do Igape.

Os licitadores poderán presenta-las súas proposicións referidas a un, varios ou tódolos lotes ofertados, indicándoo no anverso do sobre de presentación da súa proposición.

4. Orzamento máximo de licitación: nove millóns oitocentas setenta e dúas mil pesetas (9.872.000 ptas.) sen incluír IVE, distribuído entre os diferentes lotes a razón dun millón duascentas trinta e catro mil pesetas (1.234.000 ptas.) sen incluír IVE, cada un.

5. Documentación de interese para os licitadores: os pregos de cláusulas administrativas particulares e os de prescricións técnicas estarán de manifesto

na sede do Igape, sita en r/ Frei Rosendo Salvado, 16 Santiago de Compostela (A Coruña) durante o prazo de presentación das proposicións os días e horas hábiles de oficina.

6. a) Data límite de recepción de proposicións: o prazo de admisión finalizará ás catorce horas do vixésimo sétimo día hábil seguinte á publicación do anuncio do concurso no Diario Oficial de Galicia. De coincidir en sábado, o prazo entenderase prorrogado ata as 14 horas do seguinte día hábil.

b) Lugar de presentación de proposicións: en sobre cerrado e lacrado e dentro do prazo sinalado, presentaranse no rexistro xeral do Instituto Galego de Promoción Económica, ou por correo, anunciando ó órgano de contratación a remisión da oferta mediante telegrama e xustificando a data de imposición do envío na oficina de correos.

7. Apertura de proposicións: en acto público, ás 10 horas do terceiro día hábil, que non coincida en sábado, seguinte á finalización do prazo de presentación de ofertas. No Instituto Galego de Promoción Económica, sito en r/ Frei Rosendo Salvado, 16 Santiago de Compostela.

8. a) Fianza provisional: 2% do orzamento máximo de licitación para cada lote ofertado.

b) Fianza definitiva: 4% do orzamento de adxudicación do contrato.

9. Documentos que deben achega-los licitadores: os indicados no prego de cláusulas administrativas particulares.

10. Clasificación no grupo III, subgrupo 3, categoría B.

11. Criterios de adxudicación: os establecidos no prego de cláusulas administrativas do concurso.

12. Outras informacións: os gastos dos anuncios serán por conta dos adxudicatarios.

Santiago de Compostela, 16 de xaneiro de 1996.

Diego Diz Fernández

Director xeral do Instituto Galego de Promoción Económica

96-649