Aprobado incialmente polo Concello Pleno, con data 26 de outubro de 1995, o estudio de detalle cuarteirón José Antela Conde, Carracido e Cristo (3366/411), de iniciativa municipal, redactado pola arquitecta Clara Gómez Somoza por encargo do Concello de Vigo; sométese a información pública polo prazo de quince días, mediante anuncios no Diario Oficial de Galicia, BOP, nun dos xornais de maior circulación da provincia e máis no taboleiro de anuncios do concello, con notificación persoal ós propietarios e restantes interesados directamente afectados.
Sinálase como área afectada pola suspensión de licencias de parcelación, edificación e demolición a abranguida polo seu ámbito, que vén refectido no plano I-1 do expediente, cos límites seguintes:
Norte: rúa José Antela e Cruz Branca.
Sur: rúa Doctor Carracido.
Leste: rúa do Cristo.
Oeste: rúa José Antela Conde.
O prazo entenderase aberto desde a primeira publicación ata o remate dos quince días, contados desde o día seguinte ó do derradeiro anuncio.
O que se fai público para xeral coñecemento, significando que a documentación se atopa no Oficina Municipal de Información para exame e alegacións.
Vigo, 29 de novembro de 1995.
Manuel Pérez Álvarez
Alcalde
95-8379