O artigo 5.2º do Decreto 442/1990, de avaliación do impacto ambiental para Galicia (DOG nº 188, do 25-9-1990), dispón que os estudios de impacto ambiental se someterán ó trámite de información pública, durante trinta días hábiles, mediante anuncio no Diario Oficial de Galicia.
Na súa virtude,
RESOLVO:
Someter a información pública, por un prazo de trinta días hábiles, contados a partir da publicación da presente resolución, o estudio de impacto ambiental e plan de restauración da solicitude de canteira de cuarcita denominada As Cruces, situada en Vilavella-A Canda, concello da Mezquita e solicitado pola empresa Cuarcitas de Villavella, S.L.
Os efectos informativos porase á disposición dos administrados que o soliciten un exemplar nas oficinas desta dirección xeral e as alegacións formularanse durante o prazo sinalado nas mesmas oficinas.
Santiago de Compostela, 27 de decembro de 1995.
Joaquín del Moral Crespo
Director xeral de Industria
95-0158