Por resolución da Dirección Xeral de Recursos Económicos do 6 de xuño convocouse concurso polo procedemento de urxencia co obxecto de concerta-lo servicio de transporte sanitario urxente na provincia de Pontevedra (DOG nº 115 do 16 de xuño de 1995).

Cumpridos os trámites regulamentarios en materia de contratación administrativa, o director xeral de Recursos Económicos, en uso das atribucións que lle son delegadas polo artigo 3 da orde da Consellería de Sanidade e Servicios Sociais do 15 de setembro de 1994 (DOG nº191),

ACORDA:

Deixar sen efecto a adxudicación efectuada con data 28 de xullo de 1995 a favor de José Santos Dubra (Ambulancias Redondela), sen incautación da fianza, por imposibilidade de formaliza-lo contrato, e adxudica-lo concurso a Urcesino Otero Gándara (Ambulancias de Porriño) para a zona do Porriño e Salceda de Caselas con base no Porriño, que foi o outro licitador no concurso para a dita zona.

Santiago de Compostela, 10 de novembro de 1995.

Antonio Carbajo Romero

Director xeral de Recursos Económicos

8512