Examinados os expedientes instruídos por instancia dos titulares dos centros, que solicitan a autorización definitiva para a apertura e funcionamento de centros privados de educación secundaria.
Tendo en conta que os expedientes foron tramitados polas delegacións provinciais da Consellería de Educación e Ordenación Universitaria, que os remiten cos informes das unidades técnicas e inspeccións educativas.
Vistos a Lei 1/1990, do 3 de outubro (BOE do 4), de ordenación xeral do sistema educativo, Real decreto 1004/1991, do 14 de xuño (BOE do 26), polo que se establecen os requisitos mínimos dos centros que imparten ensinanzas de réxime xeral non universitarias, Decreto 133/1995, do 10 de maio (DOG do 22), sobre autorización de centros docentes privados para impartir ensinanzas de réxime xeral non universitarias e demais disposicións complementarias.
Considerando que concorren nos expedientes os requisitos esixidos nas disposicións vixentes para poder acceder ó solicitado.
Esta consellería, por proposta da Dirección Xeral de Ordenación Educativa e Centros,
DISPÓN:
Primeiro.-Autoriza-la apertura e funcionamento dos centros de educación secundaria, e, como consecuencia disto, establece-la configuración definitiva do centro existente no mesmo edificio ou recinto escolar, segundo se especifica no anexo.
Segundo.-A presente autorización producirá efectos progresivamente, a medida que se implanten as ensinanzas autorizadas de acordo co calendario de aplicación da nova ordenación do sistema educativo, segundo os reais decretos 986/1991, do 14 de xuño e 1487/1994, do 1 de xullo.
Terceiro.-Antes do inicio das ensinanzas de educación secundaria obrigatoria que se autorizan, a Delegación Provincial da Consellería de Educación e Ordenación Universitaria, logo do informe da Inspección Educativa, aprobará expresamente a relación de persoal que impartirá docencia en ditos centros.
Cuarto.-Os centros de educación secundaria que pola presente orde se autoriza, deberán cumpli-la norma básica da edificación NBE-CPI/1991, de condicións de protección contra incendios nos edificios, aprobada por Real decreto 279/1991, do 1 de marzo (BOE do 8), e especialmente o establecido no seu anexo D, que establece as condicións particulares para o uso docente. Todo isto sen prexuízo de que teñan que cumprirse outros requisitos esixidos pola normativa municipal ou autonómica.
Quinto.- Quedan os centros obrigados ó cumprimento da lexislación vixente e a solicita-la oportuna revisión cando teñan que modificarse calquera dos datos que sinala a presente orde.
Santiago de Compostela, 4 de decembro de 1995
Juan Piñeiro Permuy
Conselleiro de Educación e Ordenación Universitaria
ANEXO QUE SE CITA
Provincia: A Coruña.
Concello: A Coruña.
Localidade: A Coruña.
Domicilio: estrada dos Fortes.
Denominación específica: Calasanz, feminino.
Titular: MM. Calasancias.
Composición resultante:
a) Centro de educación infantil: 6 unidades.
b) Centro de educación primaria: 12 unidades.
c) Centro de educación secundaria: 8 unidades de educación secundaria obrigatoria.
d) Centro de bacharelato de 4 unidades, coas modalidades seguintes: ciencias da natureza e da saúde e humanidades e ciencias sociais.
Provincia: A Coruña.
Concello: A Coruña.
Localidade: A Coruña.
Domicilio: Avda. Calasanz, s/n.
Denominación específica: Calasanz, masculino.
Titular: PP. Escolapios.
Composición resultante:
a) Centro de educación infantil: 7 unidades.
b) Centro de educación primaria: 18 unidades.
c) Centro de educación secundaria: 12 unidades de educación secundaria obrigatoria.
d) Centro de bacharelato de 4 unidades, coas modalidades seguintes:
Ciencias da natureza e da saúde e humanidades e ciencias sociais.
Provincia: A Coruña.
Concello: A Coruña.
Localidade: A Coruña.
Domicilio: Praza de Santo Domingo, s/n.
Denominación específica: Santo Domingo.
Titular: PP. Dominicos.
Composición resultante:
a) Centro de educación infantil: 3 unidades.
b) Centro de educación primaria: 12 unidades:
c) Centro de educación secundaria: 8 unidades de educación secundaria obrigatoria.
d) Centro de bacharelato de 4 unidades, coas modalidades seguintes:
Ciencias da natureza e da saúde e humanidades e ciencias sociais.
Provincia: Ourense.
Concello: Maceda.
Localidade: Maceda.
Domicilio: As Canteiras, s/n.
Denominación específica: Virxe Miragrosa.
Titular: Hijas de la Caridad de S. V. de Paul.
Composición resultante:
a) Centro de educación infantil: 3 unidades.
b) Centro de educación primaria: 6 unidades.
c) Centro de educación secundaria: 4 unidades de educación secundaria obrigatoria.
9508450