Visto o expediente incoado nesta delegación provincial por instancia de Unión Eléctrica-Fenosa, S.A., con domicilio en Sáenz Díez, 95, Ourense, en solicitude de autorización para instalar L.M.T., C.T. e R.B.T. en Doade e Castro no concello de Sober, e cumpridos os trámites de información pública que determina o artigo 9 do Decreto 2617/1966, do 20 de outubro, sen que se presentase oposición nin obxección ningunha á citada solicitude.
O delegado provincial, de conformidade co Decreto 1634/1980, artigo 14, e co 2617/1966, artigo
11, así como coas demais disposicións vixentes, resolveu:
Autorizar a Unión Eléctrica-Fenosa, S.A., a instalación de liñas de media tensión a 20 kV, en conductor LA-56 de 54,6 mm Al, cunha lonxitude de 178 metros, con apoios de formigón. Dous centros de transformación tipo intemperie de 100 e 50 kVA 20.000/380-220 V. Redes de baixa tensión en conductor R.Z.-95-50-25, cunha lonxitude de 2.170 metros, para mellora do servicio eléctrico nos lugares de Doade e Castro, no concello de Sober.
Esta autorización non supón a aprobación do proxecto.
Lugo, 9 de novembro 1995.
Jesús Bendaña Suárez
Delegado provincial de Lugo
95-7920