A Orde do 16 de novembro de 1994 (DOG nº 229, do 28 de novembro) amplía a convocatoria de axudas para accións de apoio económico ós estudiantes universitarios, feita por Orde do 30 de maio de 1994 (DOG do 13 de xuño), e nela prevese a seguinte acción:

-Bolsas de residencia para a realización de estudios universitarios de 1º, 2º ou 3º ciclo en centros da Comunidade Autónoma por parte dos galegos e os seus descendentes que residan fóra de Galicia (anexo VIII).

Por resolución da Dirección Xeral de Universidades e Investigación do 13 de marzo de 1995 (DOG do 25 de abril), e, de conformidade coa base 9 do anexo VIII, fíxose pública unha relación provisional de beneficiarios da referenciada bolsa. No apartado terceiro da citada resolución fixábase un prazo de dez (10) días, contados a partir do seguinte ó da publicación da presente resolución no DOG, para que os interesados, de se-lo caso, formulasen as reclamacións oportunas.

Rematado este prazo e estudiadas as reclamacións presentadas pola comisión avaliadora nomeada por Resolución do 11 de agosto de 1994,(DOG nº 169, do 1 de setembro), da Dirección Xeral de Universidades e Investigación, esta consellería, de acordo coa proposta de resolución eleborada pola dita comisión,

DISPÓN:

Artigo 1º.-Acórdase concederlles bolsas de residencia para a realización de estudios universitarios de 1º, 2º ou 3º ciclo en centros da Comunidade Autónoma por parte dos galegos e os seus descendentes, que residan fóra de Galicia, ós alumnos universitarios que se relacionan no anexo I da presente orde, na contía que se especifica.

Artigo 2º.-O incumprimento das bases establecidas na ampliación da orde de convocatoria do 16 de novembro de 1994, suporá a perda do dereito a percibi-la axuda correspondente.

Artigo 3º.-A presente disposición pon fin á vía administrativa, segundo o disposto no artigo 109 c) da Lei 30/1992, de réxime xurídico das administracións públicas e do procedemento administrativo común.

Contra esta disposición, os interesados poderán interpoñer recurso contencioso-administrativo, perante a Sala do Contencioso-Administrativo do Tribunal Superior de Xustiza, no prazo de dous meses contados desde o día seguinte ó da súa publicación no Diario Oficial de Galicia, comunicándolle previamente a esta consellería a vontade de interpoñelo.

Disposición derradeira

A presente orde entrará en vigor o día seguinte ó da súa publicación no Diario Oficial de Galicia.

Santiago de Compostela, 30 de novembro de 1995.

Juan Piñeiro Permuy

Conselleiro de Educación e Ordenación Universitaria

ANEXO I

Bolsas de residencia para a realización de estudios universitarios de 1º, 2º ou 3º ciclo en centros da Comunidade Autónoma por parte dos galegos e os seus descendentes, que residan fora de Galicia.

9508481