Os concellos de Muros e Carnota aprobaron o prego de condicións da devandita licitación, que se expón ó público polo prazo de oito días para reclamacións. Así mesmo convocan licitación pública para a adxudicación por concurso da concesión do servicio de acordo co citado prego.

1. Tipo de licitación: non se fixa, polas especiais características do contrato.

2. Prazo de duración: vinte anos, renovables por períodos de cinco ata o máximo de cincuenta anos.

3. Forma de adxudicación: por concurso.

4. Presentación de proposicións: no prazo de vinteseis días naturais contados a partir da publicación do derradeiro dos anuncios no BOP ou DOG, en horas de atención ó público (9 a 14.30 horas) no rexistro xeral do Concello de Muros. O expediente e prego de condicións están ó dispor dos interesados na secretaría do Concello de Muros.

5. Fianzas provisoria e definitiva: 250.000 ptas. e 2.000.000 de ptas., respectivamente.

6. Apertura de plicas: na Casa do Concello de Muros ás 12 horas do primeiro día solto seguinte a aquel no que remata o prazo de presentación de proposicións.

7. Modelo de proposición:

Don/Dona..., titular do DNI número..., veciño/a de..., con domicilio en..., que actúo en nome propio/en representación de..., segundo o poder suficiente que achego, comparezco perante o Concello de Muros e expoño,

Primeiro.-Que desexo participar no concurso público convocado para adxudica-lo contrato de concesión da xestión integral do servicio municipal de subministración de auga corrente ós municipios de Carnota e Muros.

Segundo.-Acepto na súa integridade o prego de condicións económico-administrativas que rexen o devandito concurso.

Terceiro.-Comprométome de resultar elixido adxudicatario, á prestación do servicio obxecto de contrato de acordo co citado prego de condicións e ás seguintes cláusulas:

A. A tarifa media para 1996 será a seguinte: 25 ptas./m de auga facturada.

B. Comprométome a realiza-las seguintes obras nos prazos que se sinalan e por un valor total de... ptas. de execución de contrata.

C. A anualidade constante de amortización (capital máis xuros) para a recuperación dos investimentos realizados fixados en... ptas. ó ano durante un período de... anos.

D. Logo de recupera-lo custo unitario pola xestión do servicio e a anualidade de amortización polos investimentos realizados, aboareille ós concellos de Carnota e Muros un canon... ptas./m de auga facturada.

Cuarto.-A documentación esixida, e concretamente a oferta económica, consta na proposición presentada.

Quinto.-Achego os cadros de prezos que rexerán en 1995 para as obras de acometida á rede e instalación de contedores ós que se refire o prego de condicións.

Muros, 4 de decembro de 1995.

O alcalde

Rubricado

8273