Perante este Xurado Provincial de Montes Veciñais en Man Común tramítase expediente número 321 de clasificación do monte que ten as características que se indican a continuación:

Denominación: monte de Manda.

Comunidade: lugar de Manda.

Parroquia: Coiro.

Concello: Mazaricos.

Superficie: 374 ha.

Lindeiros:

É parte do monte Cadaval, Ruña e outos, nº 103-D do CUP.

Norte: con monte da comunidade de Fornís e Loureiro, desde o piquete nº 138 ata o 154, seguindo os lindeiros do citado monte veciñal.

Leste: con propiedades particulares dos veciños de Manda e Fornís, desde o piquete nº 154 ó 174, seguindo a orde de piquetes.

Sur: con propiedades particulares de veciños de Suevos, desde o piquete nº 174 ó 179 seguindo a orde de piquetes. Con monte da comunidade de Suevos, pola liña recta que vai desde o piquete nº 179 ó nº 253 no punto chamado Cruz de Servo Saído.

Oeste: con monte da comunidade de Paxareiras e Recarea, desde o piquete nº 253 ata o 57, seguindo os lindeiros de dito monte veciñal. Con Foro de Gosende, desde o piquete 57, pasando polo 58 e 59, ata chegar a unpunto intermedio entre os piquetes 59 e 60 no lugar denominado Pedra Cabalgada. Con monte da comunidade de Xestoso deste último punto ata o piquete 1380, seguindo os lindeiros do monte veciñal de Xestoso.

En virtude do acordado polo xurado, e en cumprimento da orde do instructor, do 25 de outubro de 1995, conforme o disposto na Lei de montes veciñais en man común e demais disposicións de aplicación, por medio do presente edicto faise pública a iniciación da tramitación do expediente indicado, co obxecto de que, de acordo co previsto no artigo 23 do Regulamento do 23 de setembro de 1992, para a aplicación da citada lei, cantas persoas, organismos ou corporacións resulten interesados, poidan comparecer e intervir no expediente iniciado e formular perante o xurado, no prazo dun mes, contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean que os asisten en relación co monte, achegando, se é o caso, a documentación que consideren conveniente ó respecto.

A Coruña, 25 de outubro de 1995.

Manuel Puente Araújo

Secretario do Xurado Provincial de Montes Veciñais en Man Común da Coruña

9508021