Por esta resolución, convócase a poxa de madeira dos lotes que se citan no anexo, e de acordo co disposto nas ordes da Consellería de Agricultura, Gandería e Montes do 8 de xullo de 1989 (DOG do 21 de xullo) e do 15 de marzo de 1990 (DOG do 23 de marzo).

O lugar da poxa será publicado no taboleiro de anuncios do Servicio de Montes e Industrias Fores

tais da Coruña, o día seguinte ó da súa publicación no DOG.

Para esta poxa rexerán as ordes antes citadas e mailos pregos de condicións técnico-administrativas xerais e particulares destas, que figuran no expediente correspondente no Servicio de Montes e Industrias Forestais da Coruña, sito na rúa Salvador de Madariaga s/n (edificios ministeriais, Monelos) desa cidade, onde poderán ser examinados polos interesados a partir do día da publicación no DOG da presente resolución.

Prazo de presentación de proposicións económicas: comezará o día seguinte ó da publicación desta resolución no DOG e rematará ós vinteseis días naturais seguintes ó da publicación, que non cadre en sábado.

Lugar de presentación: no rexistro da Delegación Provincial da Coruña ou por calquera das formas legalmente establecidas,segundo o que estableza o prego de cláusulas administrativas.

A apertura das proposicións será realizada pola mesa de contratación , que se reunirá ás dez horas do noveno día hábil, que non cadre en sábado, contado a partir do final do prazo de presentación das ofertas.

Documentación que deberán presenta-los licitadores: a que sinalan os pregos de cláusulas administrativas particulares.

O adxudicatario constituirá a fianza definitiva do 4% do prezo de adxudicación dentro dos vinte días seguintes ó da data na que regulamentariamente se lle comunique que a adxudicación é definitiva.

Dentro dese mesmo prazo deberá aboar:

1. O importe total do remate, ou o importe do primeiro prazo, segundo se indique no prego de condicións particulares de cada poxa.

2. O importe das taxas.

3. Os gastos proporcionais deste anuncio.

4. Os demais que se establezan nos pregos particulares do aproveitamento.

O adxudicatario deberá aboar, ademais das cantidades expresadas no anuncio, un 4% sobre o importe da adxudicación en concepto do IVE.

Santiago de Compostela, 5 de decembro de 1995.

P.D. (Orde 13-12-1993)

Antonio Luis Rosón Pérez

Secretario xeral da Consellería de Agricultura, Gandería e Montes

Relación de aproveitamentos forestais

8330