Visto o expediente do convenio colectivo para a empresa Chocogalicia, S.L., que tivo entrada nesta delegación provincial o día 5-10-1995, subscrito en representación da parte económica por unha representación da empresa, e da parte social, polos delegados de persoal, con data do 25-9-1995; de conformidade co disposto no artigo 90, 2 e 3, da Lei 8/1980, do 10 de marzo, do Estatuto dos traballadores, Real decreto 1040/1981, do 22 de maio,

sobre rexistro e depósito de convenios colectivos de traballo, e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provincial,

ACORDA:

Primeiro.-Ordena-la súa inscrición no libro rexistro de convenios colectivos de traballo desta delegación provincial, e a notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación. (SMAC).

Terceiro.-Dispoñe-la súa publicación no BOP e no Diario Oficial de Galicia (DOG).

Vigo, 16 de outubro de 1995.

Antonio Coello Bufill

Delegado provincial de Pontevedra

Convenio colectivo de Chocogalicia, S.L.

Artigo 1º.-Unidades de negociación.

A representación das partes que negociaron, aprobaron e subscribiron o texto deste convenio estivo constituída da seguinte forma:

Pola parte económica:

-Alfonso J. Alonso Rodríguez, como administrador da empresa.

Pola parte social:

-José Mª López Durán, delegado de persoal.

Como secretario de actas:

-Guillermo Pérez Costas.

Artigo 2º.-Ámbito de aplicación.

Este convenio regulará as relacións laborais da empresa Chocogalicia, S.L., afectando a todo o persoal pertencente actualmente ó cadro de persoal, así como ós traballadores que ingresen durante a vixencia del.

Artigo 3º.-Vixencia. Denuncia.

Este convenio terá unha vixencia de un ano, entra en vigor a partir do día 1 de xaneiro de 1995 e finaliza o día 31 de decembro de 1995, e prorrogarase tacitamente por períodos anuais, salvo denuncia de calquera das partes, con tres meses de antelación, alomenos, á data da súa terminación.

A dita denuncia deberá facerse por escrito dirixido á outra parte afectada polo convenio.

Artigo 4º.-Compensación e absorción.

As melloras contidas neste convenio unicamente poderán ser absorbidas ou compensadas por aquelas melloras legais ou regulamentarias que se establezan no futuro, consideradas en cómputo global e anual.

Artigo 5º.-Xornada de traballo.

Establécese unha xornada laboral anual de 1.743,75 horas de traballo efectivo, distribuídas de luns a venres, de 7.30 a 15.30 horas, cun descanso de 15 minutos, para bocadillo, a cargo da empresa.

Artigo 6º.-Horas extraordinarias.

Devengaranse horas extraordinarias cando as necesidades de traballo o requiran, como reparar sinistros e outros danos extraordinarios e urxentes, así como en caso de risco de perda de materia prima ou productos terminados, por períodos punta de producción, ausencias imprevistas, cambios de quenda ou outras circunstancias de carácter estructural.

Artigo 7º.-Permisos retribuídos.

O traballador, avisando coa posible antelación e xustificándoo adecuadamente, poderá faltar ó traballo, con dereito a remuneración, por algún dos motivos e durante o tempo que a seguir se expón:

a) Por casamento: 15 días naturais.

b) Por falecemento do cónxuxe, parella estable, pais ou fillos: 5 días naturais.

c) Por falecemento de irmáns, pais políticos, avós ou netos: 3 días naturais.

d) Por enfermidade grave do cónxuxe, parella estable, pais, fillos ou irmáns, e por nacemento dun fillo: 3 días naturais.

Se é necesario o desprazamento a outras localidades nos casos c) e d) incrementarase o permiso en un día.

Artigo 8º.-Vacacións.

Constarán de 30 días naturais, e para o seu desfrute poderá pactarse o seu fraccionamento, de común acordo.

Polo menos un período de 15 días deberá desfrutarse de forma continuada.

Artigo 9º.-Salarios base.

Para o ano 1995 estes salarios serán os establecidos na táboa salarial anexa, e serán as bases do cómputo para tódalas restantes percepcións de índole salarial.

Artigo 10º.-Antigüidade.

Os traballadores ó servicio da empresa afectada por este convenio percibirán como premio de antigüidade dez trienios ó 6% do salario base de cada un deles. Para este efecto, computaranse os períodos de aprendizaxe.

O módulo para o cálculo e aboamento do complemento persoal de antigüidade será o último salario base percibido polo traballador. Este premio quedará suxeito nos seus límites á normativa de categoría superior establecida, o que se puidese establecer.

O comezo do seu aboamento terá lugar desde o primeiro día do propio mes do seu cumprimento.

De existir persoal fixo de campaña, desfrutará deste incremento, pero computándose cada 12 meses de campaña por un trienio.

Artigo 11º.-Pagas extraordinarias.

As gratificacións extraordinarias aboaranse nos meses de xullo e decembro, e consistirán nunha mensualidade de salario base máis antigüidade cada unha delas.

Estas gratificacións faranse efectivas ó traballador que ingresase no transcurso do ano ou cesase durante el, en proporción ó tempo traballado, para o cal a fracción do mes se computará como unidade completa.

Artigo 12º.-Participación en beneficios.

Con carácter de participación en beneficios, a empresa aboaralles ós seus traballadores unha gratificación equivalente a 30 días de salario base máis antigüidade correspondente. O pagamento efectuarase na segunda quincena de febreiro.

Esta gratificación percibiraa todo o persoal da empresa, incluídos aqueles que ingresen ou cesen nela durante o ano, os cales, xunto cos eventuais ou interinos, a percibirán en proporción ó tempo traballado.

Artigo 13º.-Suplido por gastos de transporte.

Tódolos traballadores afectados por este convenio terán dereito a percibir un plus de transporte na contía de 9.562 pesetas mensuais, descontándose a parte proporcional dos días de falta ó traballo, a través da fórmula seguinte:

(9.562/(nº de días laborables/mes))x nº días de faltas.

As cantidades percibidas por este concepto non terán a consideración de salario para ningún efecto, polo que non se computarán para o caso de antigüidade, gratificacións extraordinarias, vacacións, etc.

O persoal de vendas que realice a súa tarefa con vehículo propio, así recoñecido pola dirección, percibirá a cantidade compensatoria de 22 pesetas por quilómetro percorrido.

Artigo 14º.-Quebranto de moeda.

O persoal que habitualmente efectúa pagamentos e cobros de facturas percibirá por este concepto a cantidade de 12.768 pesetas mensuais.

Artigo 15º.-Novas categorías laborables.

Sereno: é o profesional que é contratado para efectua-las funcións propias de vixilancia. A súa contratación realizarase especificamente para realiza-la xornada nocturna, e o salario correspondente fíxase tendo en conta esta circunstancia.

Secretario de dirección: a súa función administrativa de asistencia á dirección comprenderá, ademais das delegacións de funcións desta, o labor de coordinación dos mandos intermedios e dirección, así como as actividades de representatividade e de relacións comerciais propias deste nivel xerárquico (asimilable a oficial de 1ª administrativo).

Caixeiro: o seu cometido é realizar cobros e pagamentos na fábrica, de acordo coas normas que sobre o particular ten establecidas a empresa, ou que poida establecer, províndolle as ordes do órgano superior administrativo. Deberá efectua-los apuntamen

tos de caixa e face-las anotacións nos libros auxiliares do movemento diario.

Degustador: é o profesional que efectúa a publicidade dos artigos da empresa nos establecementos comerciais onde se necesita efectua-la súa promoción.

Licenciado: é aquel traballador que obtivo a licenciatura en calquera das facultades dunha universidade e realiza o seu traballo precisamente relacionado coa súa titulación e en consonancia con ela.

Artigo 16º.-Enfermidade ou accidente.

Os traballadores que padezan enfermidade percibirán desde o primeiro día e durante o prazo de seis meses, o complemento necesario para que, sumado ás prestacións da Seguridade Social, alcance o 100 por 100 do seu salario base máis antigüidade, nos casos seguintes:

a) En tódolos supostos que requiran hospitalización

b) Nas enfermidades de máis de 20 días consecutivos de duración.

No caso de que a incapacidade se derive dun accidente de traballo, o prazo de seis meses ampliarase a un ano, aboándose ó 100% en tódolos supostos, desde o primeiro día.

Os traballadores deberán presenta-los xustificantes médicos na oficina da empresa dentro dos prazos establecidos regulamentariamente.

Artigo 17º.-Xubilación anticipada.

De conformidade coa normativa vixente sobre a materia e en atención ós posibles efectos que, de cara a palia-lo paro, puidese ter, os asinantes deste convenio acordan a posibilidade de xubilación ó cumpri-los 64 anos dos traballadores que así o soliciten, comprometéndose a empresa á contratación simultánea de traballadores mozos ou perceptores do seguro de desemprego en número igual ó de xubilacións anticipadas que se pacten, con contrato de igual natureza cós que se substitúen.

Artigo 18º.-Equipo de protección persoal.

Os labores de limpeza que requiran calzado especial, estarán dotados de dous pares de botas que se lle asignarán a cada operario/a por ano natural.

O persoal de fabricación será dotado de:

-2 uniformes (batas, mandís, cofias) ó ano, para o persoal feminino.

-2 fundas para o persoal masculino.

-Guantes especiais nos casos en que se requiran.

Artigo 19º.-Garantía ad personam.

As condicións pactadas neste convenio enténdense sempre con este carácter de mínimas, debendo ser respectadas as condicións de todo tipo que veñen desfrutando os traballadores en canto sexan máis beneficiosas cás aquí establecidas, consideradas estas en cómputo global e anual.

Artigo 20º.-Axuda por xubilación.

Cando se produza a baixa na empresa, por xubilación, dun traballador con máis de vinte anos de servicios nela, recibirá desta o importe íntegro de dunha mensualidade de salario real.

Artigo 21º.-Comisión paritaria.

Para a interpretación das cláusulas deste convenio a comisión paritaria estará formada por dous representantes da empresa e dous representantes dos traballadores, entre os que estarán os compoñentes da comisión negociadora.

Vigo, 8 de setembro de 1995.

ANEXO

Táboa de salarios.

CategoríasSalario base mensual

Técnicos titulados:

Licenciado105.595

Perito100.455

Técnicos non titulados:

Encargado xeral95.420

Mestre de fabricación95.420

Administrativos:

Xefe administrativo de 1ª105.595

Xefe administrativo de 2ª100.455

Técnicos en custos90.251

Oficial de 1ª90.251

Secretario de dirección86.383

Oficial de 2ª82.063

Caixeiro82.063

Auxiliar71.574

Persoal mercantil:

Xefe de vendas100.455

Viaxante e vendedor80.636

Corredor de praza76.889

Persoal de producción:

Oficial de 1ª81.905

Oficial de 2ª78.579

Axudante72.088

Formación maior 18 anos70.900

Subalternos:

Almaceneiro73.670

Cobrador73.670

Basculador-pesador73.670

Porteiro73.670

Sereno71.656

Persoal de limpeza70.900

Ordenanza70.900

Persoal de acabado, envasado

e empaquetado:

Oficial de 1ª72.164

Oficial de 2ª71.373

Axudante71.373

Persoal de oficios auxiliares:

Oficial de 1ª81.905

Oficial de 2ª78.580

Peón70.900

Degustadora80.636

Aprendiz, 1742.497

7115