No Diario Oficial de Galicia nº 228, do 28 de novembro, publícase resolución desta presidencia anunciando o concurso público para a fabricación e subministración de dúas alfombras destinadas á decoración e ornamentación do salón de sesións e vestíbulo principal do edificio do Parlamento de Galicia, e ábrese un prazo de 26 días naturais para a presentación de proposicións, que remata o próximo día 24 de decembro.
Tendo en conta que este día e o seguinte son inhábiles, ó abeiro do disposto no artigo 48.3º da Lei 30/1992, do 26 de novembro, de réxime xurídico das administración públicas e do procedemento administrativo común, esta presidencia
RESOLVE:
Prorroga-lo prazo de presentación de proposicións ata o día 26 de decembro ás 18.30 horas.
O que se publica para xeral coñecemento.
Santiago de Compostela, 29 de novembro de 1995.
Victorino Núñez Rodríguez
Presidente do Parlamento de Galicia
95-8124