Examinado o expediente incoado pola titularidade do centro privado Bayón-Uxía-Teide de Ribeira
(A Coruña), en solicitude de cambio de domicilio, por traslado de instalacións, e cambio de denominación do dito centro.
Resultando que o devandito centro privado obtivo, por Orde do 30 de maio de 1974, a clasificación condicionada para 8 unidades de educación xeral básica e 3 unidades de educación preescolar.
Vistos o Real decreto 401/1979, do 13 de febreiro (BOE do 8 de marzo), o Real decreto 2377/1985, do 18 de decembro (BOE do 27), o Real decreto 1004/1991, do 14 de xuño (BOE do 26), o Decreto 133/1995, do 10 de maio (DOG do 22) e demais disposicións complementarias.
Considerando que o artigo 14º.3 do Decreto 133/1995 establece que: «o cambio de domicilio dun centro concertado, se non se modifica a área de influencia do mesmo e se manteñan as condicións de atención ó mesmo grupo de poboación escolarizable, non implicará modificación do concerto suscrito».
Considerando que o centro que se expresa, á vista dos informes emitidos pola Unidade Técnica e Inspección de Educación da Delegación Provincial de Educación e Ordenación Universitaria da Coruña e de acordo coas disposicións vixentes na materia, acredita cumpri-los requisitos establecidos para o efecto.
Esta consellería,
DISPÓN:
1º.-Concede-la autorización definitiva por cambio de domicilio ó centro privado que se relaciona no anexo da presente orde.
Excepcionalmente, e mentres non se extingan as ensinanzas de educación xeral básica, o centro poderá seguir impartindo as ditas ensinanzas.
2º.-Autoriza-lo cambio de denominación do centro privado concertado Bayón-Uxía-Teide de Ribeira (A Coruña) pasando a denominarse Bayón.
O cambio de denominación non afectará ó réxime de funcionamento do centro.
Santiago de Compostela, 23 de octubre de 1995.
Jduan Piñeiro Permuy
Conselleiro de Educación e Ordenación Universitaria
ANEXO
Provincia da Coruña.
Concello: Ribeira.
Localidade: Ribeira.
Enderezo: Cubeliño, 33.
Denominación: Bayón.
Titular: Enseduca, Sociedad Anónima Laboral.
Nivel: educación infantil.
Transformación e clasificación definitiva para 3 unidades de educación infantil-2º ciclo.
Nivel: educación primaria.
Transformación e clasificación definitiva para 6 unidades de educación primaria.
8035