O Pleno do Concello de Santiago de Compostela, en sesión ordinaria do día vintesete de outubro de 1995, acordou inicia-lo expediente de expropiación forzosa, con ocupación urxente, dos bens e dereitos necesarios para a complementación do vial de acceso ó pavillón multiusos do Sar, na rúa do Gaiás.
En cumprimento do disposto no artigo 56 do Regulamento de expropiación forzosa, o Concello expón ó público o referido proxecto de expropiación, co fin de que, no prazo dos quince días que seguen á publicación deste anuncio no BOP, no Diario Oficial de Galicia e na prensa local, os interesados poidan formula-las alegacións que consideren oportunas.
O presente edicto servirá de notificación, nos termos do artigo 59 da Lei de réxime xurídico das administracións públicas e do procedemento administrativo común, a tódolos afectados que, por resultaren descoñecidos ou ignorarse o seu domicilio, non poidan ser citados persoalmente ó trámite de información pública.
Relación de bens e dereitos afectados:
Predio nº: 233. Referencia catastral: polígono 28. Parcela 316.
Propietarios: herdeiros de Benigno Ramos Varela.
Clasificación urbanística: solo urbano. Ordenanza 5.
Superficie afectada: 168 m.
Outros bens: muro de cerramento.
Santiago de Compostela, 20 de novembro de 1995.
Pedro A. Fernández Fernández
Concelleiro delegado de Urbanismo
95-8077