O Pleno da Corporación, en sesión celebrada o día 23 do mes que corre, adoptou acordo referente á modificación do prego de cláusulas administrativas par
ticulares para a contratación do servicio de asistencia sanitaria ó persoal funcionario do Concello de Ferrol e ampliación do prazo concedido para presentar proposicións, e a parte dispositiva do acordo é como segue:
Primeiro.-Modifica-la cláusulas 9, apartado i), citada na parte expositiva, que quedará redactada como segue: i) Certificación ou copia autenticada dela, expedida polo Rexistro de Empresas Consultoras e de Servicios, acreditativa de que o licitador está clasificado no grupo III (Servicios), subgrupo 1º (Sanitarios) ou subgrupo 8º (Outros servicios) e categoría C (Contratos cunha anualidade media que excede de 25 millóns e non supera os cincuenta).
Segundo.-Ampliar, como consecuencia da modificación aprobada no acordo anterior, o prazo para presentar proposicións en oito días naturais contados a partir do seguinte á publicación do presente acordo no DOG.
Terceiro.-Publica-lo presente acordo coa maior urxencia posible no BOP e no DOG, sometendo a información pública o prego de condicións modificado e que rexe a contratación que nos ocupa por un prazo de oito días hábiles contados a partir da publicación no BOP; no suposto de que se presentasen reclamacións ó citado prego, serían resoltas de inmediato pola Alcaldía-presidencia por proposta da Comisión Informativa de Organización e Réxime Interno.
O que se fai público para xeral coñecemento.
Ferrol, 23 de novembro de 1995.
O alcalde
Rubricado
8005