Convocado concurso de méritos para a praza do corpo docente universitario que se relaciona no anexo adxunto, e dando cumprimento ó disposto no artigo 6 do Real decreto 1888/1984, do 26 de setembro, en virtude da sentencia do Tribunal Constitucional do 27 de febreiro de 1987.

Este rectorado resolveu sinala-la celebración do sorteo correspondente á praza reseñada no citado anexo,

co fin de designa-los membros da comisión que han de ser elixidos por este procedemento, para o día 29 de novembro de 1995, ás 12 horas.

O dito sorteo celebrarase na secretaría xeral da universidad (edificio San Xerome, Praza do Obradoiro s/n).

Para os efectos previstos no artigo 6.6º do Real decreto 1888/1984, do 26 de setembro (BOE do 26 de outubro), a partir da data da presente resolución farase pública a relación dos profesores que participarán no sorteo no rectorado da universidade.

Da citada relación e no momento do sorteo serán excluídos aqueles profesores que:

-Pertenzan á mesma universidade á que corresponde a praza.

-Fosen nomeados para formaren parte das comisións pola universidade á que corresponde a praza.

As reclamacións contra a referida relación formularanse antes do día 23 de novembro de 1995, dirixidas ó secretario xeral da Universidade de Santiago de Compostela.

O que se fai público para xeral coñecemento.

Santiago de Compostela, 2 de novembro de 1995.

F. Daría Villanueva Prieto

Rector da Universidade de Santiago de Compostela

ANEXO

Concurso convocado por Resolución do 19 de xuño de 1995 (BOE do 18 de xullo).

Concurso de méritos nº: 1313/1995.

Corpo: catedrático de univerisdade.

Área de coñecemento: historia da ciencia.

Presidente titular: Diego Miguel Gracia Guillén, catedrático de universidade. Universidade Complutense de Madrid.

Secretario titular: Juan Bautista Riera Palmero, catedrático de universidade. Universidade de Valladolid.

95-7237