Esta consellería, unha vez cumpridos os trámites administrativos correspondentes, resolveu anunciar,
polo sistema de concurso de procedemento aberto, a redacción dos proxectos:
1.-Ampliación do IESP de Silleda (Pontevedra).
-Orzamento de licitación: 10.296.000 ptas (dez millóns duascentas noventa e seis mil pesetas).
-Clasificación requirida: grupo II, subgrupo 4, categoría C.
-Prazo de execución: 4 meses.
2.-Ampliación do Instituto de Ensino Secundario de Foz (Lugo).
-Orzamento de licitación: 5.730.450 ptas (cinco millóns setecentas trinta mil catrocentas cincuenta pesetas).
-Clasificación requirida: grupo II, subgrupo 4, categoría C.
-Prazo de execución: 1 mes.
3.-Centro de educación infantil e primaria de 3+12 uds. en Gondomar (Pontevedra).
-Orzamento de licitación: 5.605.875.- ptas (cinco millóns seiscentas cinco mil oitocentas setenta e cinco pesetas).
-Clasificación requirida: grupo II, subgrupo 4, categoría C.
-Prazo de execución: 1 mes.
Exposición de pregos: os pregos de cláusulas administrativas particulares e de cláusulas técnicas estarán de manifesto na Subdirección Xeral de Construccións e Equipamento, secretaría xeral desta consellería, edificio administrativo 2, San Caetano, Santiago de Compostela, durante o prazo de presentación de proposicións. Os pregos de cláusulas administrativas particulares e técnicas tamén se poderán examinar nas delegacións provinciais de Educación.
Prazo de presentación de proposicións: comezará o día seguinte ó da publicación da presente resolución no DOG e rematará o décimo terceiro día natural seguinte ó da publicación da presente resolución.
Lugar de presentación de proposicións: no rexistro xeral desta consellería, edificio administrativo 2, San Caetano, Santiago de Compostela. En canto ás proposicións por correo, observarase o disposto na cláusula 7.2 do prego das administrativas particulares.
Documentación que presentarán os licitadores: a especificada no punto 7 do prego das administrativas particulares.
Exame da documentación: a mesa de contratación cualificará as documentacións presentadas e publicará a continuación no taboleiro de anuncios desta consellería o resultado da devandita cualificación, a fin de que se reparen, dentro do prazo que se indique, os defectos materiais observados na documentación.
Apertura de proposicións: realizaraa a mesa de contratación ás 12 horas do terceiro día hábil seguinte ó de remate do prazo de presentación de proposicións na sala de xuntas desta consellería.
O importe deste anuncio correrá a cargo da empresa adxudicataria.
Santiago de Compostela, 27 de novembro de 1995 .
P.D. (Orden 8-9-1994)
Juan J. Bértolo Cadenas
Secretario xeral da Consellería de Educación e Ordenación Universitaria
7899