Examinado o expediente de concesión de medallas ó mérito, placas e diplomas de protección civil desta Comunidade Autónoma, relativas ó ano 1994, e de conformidade coa proposta formulada pola comisión avaliadora prevista no artigo 16º da Orde da Consellería da Presidencia e Administración Pública do 22 de abril de 1994,
DISPOÑO:
Primeiro: concederlle a Juan Carlos Estévez Álvarez, a título póstumo, a medalla ó mérito de protección civil da Comunidade Autónoma de Galicia, na categoría de ouro.
Segundo: declarar deserta a concesión da medalla ó mérito de protección civil da Comunidade Autónoma de Galicia, na categoría de prata.
Terceiro: concederlle á Agrupación de Voluntarios de Protección Civil de Carballo a placa de protección civil da Comunidade Autónoma de Galicia.
Cuarto: concederlle á Agrupación de Voluntarios de Protección Civil de Rianxo a placa de protección civil da Comunidade Autónoma de Galicia.
Quinto: concederlle á Agrupación de Voluntarios de Protección Civil de Narón a placa de protección civil da Comunidade Autónoma de Galicia.
Sexto: concederlle á Agrupación de Voluntarios de Protección Civil de Muxía a placa de protección civil da Comunidade Autónoma de Galicia.
Santiago de Compostela, vintecatro de novembro de mil novecentos noventa e cinco.
Manuel Fraga Iribarne
Presidente
95-7791