A Consellería de Industria e Comercio convoca o seguinte concurso por procedemento aberto:
Obxecto.
Xestión e explotación por concesión do servicio de cafetería e comedor no edificio do Centro de Empresas e Innovación (CEI) do Parque Tecnolóxico de Galicia.
Documentos de interés para os licitadores.
Os pregos de prescricións técnicas e de cláusulas administrativas particulares estarán de manifesto e
a disposición dos interesados para o seu exame, durante o prazo de presentación de proposicións en días e horas hábiles de oficina, na Secretaría Xeral da Consellería de Industria e Comercio da Xunta de Galicia, sita en San Caetano, edificio administrativo, nº 5-4º piso, Santiago de Compostela.
Presentación de ofertas.
As ofertas dirixiranse en calquera dos modos previstos no artigo 100 do Regulamento xeral de contratos do Estado á Secretaría Xeral da Consellería de Industria e Comercio, no prazo de vinteseis días naturais, contados desde o día seguinte ó da publicación deste anuncio no Diario Oficial de Galicia.
Apertura de pregos.
A apertura de pregos terá lugar na Consellería de Industria e Comercio, ás once horas do décimo primeiro día ó da finalización do prazo de presentación de proposicións; se este fose inhábil ou sábado, posporase ó primeiro día hábil seguinte.
Documentos que deben presenta-los licitadores.
Os indicados na cláusula 6ª do prego de cláusulas administrativas particulares.
Fianza provisional.
50.000 ptas (Cincuenta mil pesetas) que se constituirá segundo o disposto no artigo 36.1º da Lei de contratos das administracións públicas.
Fianza definitiva.
O licitador que resulte adxudicatario presentará unha fianza definitiva de 200.000 ptas (duascentas mil pesetas).
Prazo de execución.
Será dun ano, contado desde a data da sinatura deste, prorrogable por períodos anuais, co límite máximo, incluíndo as prórrogas, de 20 anos.
O importe deste anuncio correrá por conta do adxudicatario.
Santiago de Compostela, 13 de novembro de 1995.
P.D. (O. 18-5-1994, DOG 100)
Manuel Barreiro Barbeito
Secretario xeral da Consellería de Industria e Comercio
95-07605
