Convocada, pola Orde do 14 de xuño de 1995 (DOG nº 127, do 4 de xullo), a provisión, polo sistema de libre designación, de postos de traballo vacantes nos servicios centrais e periféricos da Consellería de Sanidade e Servicios Sociais e nos servicios periféricos do Servicio Galego de Saúde, esta consellería, de conformidade co previsto no artigo 27.2º da Lei 4/1988, do 26 de maio, da función pública de Galicia, e nos artigos 16 e 17 do Decreto 93/1991, do 20 de marzo, e en uso das facultades que lle confire o artigo 15.4º da dita lei,
DISPÓN:
Primeiro.-Resolver definitivamente a convocatoria pública para a provisión, polo sistema de libre designación, de postos de traballo vacantes nos servicios centrais e periféricos da Consellería de Sanidade e Servicios Sociais e nos servicios periféricos do Servicio Galego de Saúde, anunciada pola Orde do 14 de xuño de 1995 (DOG nº 127, do 4 de xullo).
Segundo.-Adxudicarlle destino, no posto de traballo que se indica, á funcionaria que se relaciona no anexo da presente orde e declarar deserto o posto de traballo de director-administrador da residencia da terceira idade da Estrada.
Terceiro.-A dita funcionaria deberá tomar posesión no prazo sinalado no artigo 14 do Decreto 93/1991, do 20 de marzo.
Cuarto.-Contra a presente orde, que esgota a vía administrativa, poderase interpoñer recurso contencioso-administrativo, previsto na Lei reguladora da xurisdicción contencioso-administrativa do 27 de decembro de 1956, perante o Tribunal Superior de Xustiza de Galicia, no prazo de dous meses a partir do día seguinte ó da súa publicación, despois de comunicarllo a esta consellería, segundo o previsto no artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 16 de novembro de 1995.
José Manuel Romay Beccaría
Conselleiro de Sanidade e Servicios Sociais
ANEXO
Apelidos e nome: Pérez López, Cristina.
NRP ou DNI: 3385654857 A1146.
Grupo: D.
Nivel: 16.
Corpo: xeral auxiliar da Administración do Estado.
Posto de traballo: secretaria do director.
Dependencia: Dirección Provincial do Sergas.
Localidade: Lugo.
95-7669