De conformidade co establecido no título quinto da Lei 11/1983, do 25 de agosto, e o artigo 2.4º do Real decreto 1888/1984, do 26 de setembro, este rectorado resolveu convocar concurso para as prazas que se relacionan no anexo I da presente resolución, conforme as seguintes bases:
Primeira.-Os ditos concursos rexeranse polo disposto na Lei orgánica 11/1983, do 25 de agosto (BOE do 1 de setembro); Real decreto 1888/1984, do 26 de setembro (BOE do 26 de outubro), modificado parcialmente polo Real decreto 1427/1986, do 13 de xuño; Orde do 28 de decembro de 1984 (BOE do 16 de xaneiro de 1985) e, no non previsto, pola lexislación xeral de funcionarios civís do Estado, e tramitaranse independentemente para cada unha das prazas convocadas.
Segunda.-Para ser admitido ós citados concursos requírense os seguintes requisitos xerais:
a) Ser español. Non obstante, poderán participar en idénticas condicións cós españois:
-Os nacionais dos demais estados membros da Unión Europea logo de acreditar a nacionalidade consonte o disposto na Lei 17/1993, do 23 de decembro, sobre o acceso a determinados sectores da función pública dos nacionais dos demais estados membros da Unión Europea e demais normativa de desenvolvemento.
-Trala acreditación, os nacionais daqueles estados ós que en virtude de tratados internacionais subscritos pola Unión Europea e ratificados por España, lles sexa aplicable a libre circulación de traballadores nos termos en que esta está definida no tratado constitutivo da Unión Europea.
b) Ter cumpridos dezaoito anos e non ter cumpridos os setenta anos de idade.
c) Non ter sido separado, mediante expediente disciplinario, do servicio da Administración do Estado ou da Administración autónoma, institucional ou local, nin atoparse inhabilitado para o exercicio das funcións públicas.
d) Non padecer enfermidade nin defecto físico ou psíquico que impida o desenvolvemento das funcións correspondentes a profesor de universidade.
Terceira.-Deberán reunir, ademais, as condicións específicas que se sinalan no artigo 4.1º do Real decreto 1888/1984, do 26 de setembro, segundo a categoría da praza, e, de se-lo caso, titulación suficiente debidamente recoñecida polo Ministerio de Educación e Ciencia para o exercicio profesional en España como profesor universitario.
Cando, estando en posesión do título de doutor, se concorra a prazas de catedrático de universidade, conforme o previsto no artigo 4.1º c), do Real decreto 1888/1984, do 26 de setembro, e non se pertenza a ningún dos corpos que nel se sinalan, os interesados deberán acreditar ter sido eximidos de tales requisitos.
Non poderá concursar a prazas de profesor titular de universidade quen estivera contratado durante máis de dous anos como axudante nesta universidade, salvo as excepcións previstas no artigo 37.4º da Lei 11/1983, do 25 de agosto (BOE do 1 de setembro), de reforma universitaria.
Cuarta.-Quen desexe tomar parte no concurso remitirá a correspondente solicitude ó rector da Universidade de Vigo, por calquera dos procedementos establecidos na Lei 30/1992, do 26 de novembro (BOE do 27) de réxime xurídico das administracións públicas e do procedemento administrativo común, no prazo de vinte días hábiles a partir do día seguinte a aquel no que teña lugar a publicación desta convocatoria no Boletín Oficial del Estado, mediante instancia, segundo o modelo do anexo II, debidamente cuberta, xunto cos documentos que acrediten reuni-los requisitos para participar no concurso. A concorrencia dos ditos requisitos deberá estar referida sempre a unha data anterior á de expiración do prazo fixado para solicita-la participación no concurso.
Os aspirantes deberán xustificar ter aboadas 8.660 ptas. en concepto de inscrición na conta da Universidade de Vigo, Outros ingresos, número 04.000.022599-4 de Caixavigo, O.P., achengado coa súa solicitude resgardo acreditativo do ingreso realizado, referenciando esta convocatoria.
Quinta.-Finalizado o prazo de presentación de solicitudes, o rector da Universidade de Vigo, por calquera dos procedementos establecidos na Lei de réxime xurídico das administracións públicas e do procedemento administrativo común, remitirá a tódolos aspirantes relación completa de admitidos e excluídos, con indicación das causas de exclusión. Contra a dita resolución os interesados poderán presentar reclamación perante o rector no prazo de quince días hábiles contados desde o seguinte ó da notificación da relación de admitidos e excluídos.
Sexta.-O presidente da comisión, dentro do prazo habilitado regulamentariamente para a súa constitución, dictará unha resolución que deberá ser notificada a tódolos interesados cunha antelación mínima de 15 días naturais respecto da data do acto para o que se cita, convocando a:
a) Tódolos membros titulares da comisión e, se é o caso, os suplentes necesarios para efectua-lo acto de constitución daquela.
b) Tódolos aspirantes admitidos a participar no concurso, para realiza-lo acto de presentación dos concursantes e, con sinalamento do día, a hora e o lugar de celebración do dito acto.
Sétima.-No acto de presentación os concursantes entregaranlle ó presidente da comisón a documentación sinalada no artigo 9 do Real decreto 1888/1984, do 26
de setembro, modificado polo Real decreto 1427/1986, do 13 de xuño.
Oitava.-Os candidatos propostos para a provisión das prazas deberán presentar na Secretaría Xeral da Universidade no prazo dos quince días hábiles seguintes ó de conclusión da actuación da comisión por calquera dos medios sinalados no artigo 38.4º da Lei de réxime xurídico das administracións públicas e do procedemento administrativo común, os seguintes documentos:
a) Fotocopia compulsada do documento nacional de identidade ou documento equivalente de ser nacional dun Estado membro da Unión Europea.
b) Certificación médica oficial de non padecer enfermidade nin defecto físico ou psíquico para o desempeño das funcións correspondentes a profesor de universidade, expedida pola dirección provincial ou consellería, segundo proceda, competentes en materia de sanidade.
c) Declaración xurada de non ter sido separado da Administración do Estado, institucional ou local, nin das administracións das comunidades autónomas, en virtude de expediente disciplinario e non atoparse inhabilitado para o exercicio da función pública.
Os que tiveren a condición de funcionarios públicos de carreira estarán exentos de xustifica-los ditos documentos e requisitos, debendo presentar certificación do ministerio ou organismo do que dependan, acreditativa da condición de funcionarios e cantas circunstancias consten na folla de servicios.
Vigo, 27 de outubro de 1995.
José Antonio Rodríguez Vázquez
Rector da Universidade de Vigo
ANEXO I
-Número de prazas: 1.
Praza número: 43/1995.
Corpo ó que pertence a praza: catedráticos de universidade.
Área de coñecemento á que corresponde: socioloxía.
Departamento ó que está adscrita: Socioloxía, Ciencia Política e da Administración e Filosofía.
Actividades a realizar quen obteña a praza: docencia en estructura social e cambio das sociedades.
Clase de convocatoria: concurso.
-Número de prazas: 1.
Praza número: 44/1995.
Corpo ó que pertence a praza: catedráticos de universidade.
Área de coñecemento á que corresponde: dereito administrativo.
Departamento ó que está adscrita: Ciencias Xurídicas.
Actividades a realizar quen obteña a praza: docencia en dereito administrativo I e dereito administrativo II.
Clase de convocatoria: concurso.
-Número de prazas: 1.
Praza número: 45/1995.
Corpo ó que pertence a praza: profesores titulares de universidade.
Área de coñecemento á que corresponde: enxeñería telemática.
Departamento ó que está adscrita: Tecnoloxía das Comunicacións.
Actividades a realizar quen obteña a praza: docencia en teletráfico.
Clase de convocatoria: concurso.
-Número de prazas: 1.
Praza número: 46/1995.
Corpo ó que pertence a praza: profesores titulares de universidade.
Área de coñecemento á que corresponde: expresión gráfica na enxeñería.
Departamento ó que está adscrita: Deseño na Enxeñería.
Actividades a realizar quen obteña a praza: docencia en debuxo técnico (técnicas de representación).
Clase de convocatoria: concurso.
-Número de prazas: 1.
Praza número: 47/1995.
Corpo ó que pertence a praza: profesores titulares de universidade.
Área de coñecemento á que corresponde: xeometría e topoloxía.
Departamento ó que está adscrita: Matemáticas e Didáctica da Matemática.
Actividades a realizar quen obteña a praza: docencia en matemáticas na Facultade de Ciencias.
Clase de convocatoria: concurso.
-Número de prazas: 1.
Praza número: 48/1995.
Corpo ó que pertence a praza: profesores titulares de universidade.
Área de coñecemento á que corresponde: ecoloxía.
Departamento ó que está adscrita: Recursos Naturais e Medio Ambiente.
Actividades a realizar quen obteña a praza: docencia en ecoloxía mariña (área de ecoloxía).
Clase de convocatoria: concurso.
-Número de prazas: 1.
Praza número: 49/1995.
Corpo ó que pertence a praza: profesores titulares de universidade.
Área de coñecemento á que corresponde: psicoloxía básica.
Departamento ó que está adscrita: Análise e Intervención Psicosocio-Educativa.
Actividades a realizar quen obteña a praza: docencia en técnicas de traballo escolar.
Clase de convocatoria: concurso.
-Número de prazas: 1.
Praza número: 50/1995.
Corpo ó que pertence a praza: profesores titulares de universidade.
Área de coñecemento á que corresponde: enxeñería eléctrica.
Departamento ó que está adscrita: Enxeñería Eléctrica.
Actividades a realizar quen obteña a praza: docencia en electricidade, teoría de circuítos e electrometría.
Clase de convocatoria: concurso.
-Número de prazas: 1.
Praza número: 51/1995.
Corpo ó que pertence a praza: profesores titulares de escola universitaria.
Área de coñecemento á que corresponde: linguaxes e sistemas informáticos.
Departamento ó que está adscrita: Enxeñería de Sistemas e de Linguaxes e Sistemas Informáticos.
Actividades a realizar quen obteña a praza: docencia en materias da área.
Clase de convocatoria: concurso.
-Número de prazas: 1.
Praza número: 52/1995.
Corpo ó que pertence a praza: profesores titulares de escola universitaria.
Área de coñecemento á que corresponde: linguaxes e sistemas informáticos.
Departamento ó que está adscrita: Enxeñería de Sistemas e de Linguaxes e Sistemas Informáticos.
Actividades a realizar quen obteña a praza: docencia en materias da área.
Clase de convocatoria: concurso.
-Número de prazas: 1.
Praza número: 53/1995.
Corpo ó que pertence a praza: profesores titular de escola universitaria.
Área de coñecemento á que corresponde: didáctica da expresión musical.
Departamento ó que está adscrita: Didácticas Especiais.
Actividades a realizar quen obteña a praza: docencia en materias da área na especialidade de educación musical de mestre.
Clase de convocatoria: concurso.
7404
