Convocada a provisión, polo sistema de libre designación, dun posto de traballo vacante na Consellería de Economía e Facenda, por Orde do 2 de xuño de 1995 (DOG nº 117, do 20 de xuño), en uso das facultades e atribucións conferidas pola Lei 4/1988, do
26 de maio, da función pública de Galicia, no seu artigo 15.4º e de conformidade co disposto no artigo 27 da referida lei, modificado polo artigo 6 da Lei 3/1995, do 10 de abril; visto o Decreto 93/1991, do 20 de marzo, e demais normativa vixente, esta consellería,
DISPÓN:
Primeiro: designa-la funcionaria que se cita no anexo desta orde para ocupa-lo posto que así mesmo se sinala.
Segundo: o cesamento no actual destino efectuarase segundo o previsto no artigo 14 do Decreto 93/1991, do 20 de marzo, no prazo de tres días a partir do seguinte ó da publicación da presente orde no DOG.
A toma de posesión deberá facerse no prazo de tres días a partir do día seguinte ó do cesamento, ó tratarse de posto radicado na mesma localidade.
Terceiro: a xefatura de persoal do centro onde cause alta a funcionaria efectuará, dentro dos prazos sinalados anteriormente, a dilixencia de toma de posesión e seguidamente serán realizados os trámites para a súa alta en nómina.
Das dilixencias efectuadas serán remitidas copias á Dirección Xeral da Función Pública.
Cuarto: contra esta orde, que esgota a vía administrativa, poderase interpoñer recurso contencioso-administrativo ante o Tribunal Superior de Xustiza de Galicia no prazo de dous meses contados a partir do día seguinte ó da súa publicación no Diario Oficial de Galicia, logo de comunicación a esta consellería da vontade de interpoñerlo.
Santiago, 8 de novembro de 1995.
(P.D. 13-12-1993)
Secretario xeral e do Patrimonio e da Consellería de Economía e Facenda
ANEXO
N.R.P.: 3327168568 A2059.
Grupo: D.
Apelidos e nome: Conde García, Mª Soledad.
Denominación e código do posto: Secretaria de directora xeral. EPC050000015770001.
Nivel: 18.
C. específico: 506.772.
Centro directivo: Dirección Xeral de Orzamentos.
Localidad: Santiago de Compostela.
9507572
