A Consellería de Cultura achegou á Secretaría Xeral e do Patrimonio, para a súa tramitación, expedientes de doazóns de bens feitas a favor da Comunidade Autónoma de Galicia por Eugenia Soriano Roesset,
Carlos Martínez-Barbeito e Rafael Picó Pazos, co fin de destinalos ós museos e arquivos da Xunta de Galicia.
Conforme ós artigos 17.1º da Lei 3/1985, do 12 de abril, do patrimonio da Comunidade Autónoma Galega, e 34 do seu regulamento aprobado polo Decreto 50/1989, do 9 de marzo, a adquisición pura e simple de bens a título gratuíto ou lucrativo requirirá decreto do Consello da Xunta de Galicia, por proposta da Consellería de Economía e Facenda. Así mesmo, os artigos 23.1º da mesma lei e 38.1º do regulamento establecen que non se poderán adquirir bens ou dereitos a título lucrativo cando o valor dos gravames, cargas ou afeccións impostos sobre eles sobrepase o seu valor intrínseco.
Por iniciativa da Consellería de Cultura, de conformidade coa proposta da Consellería de Economía e Facenda, feita nos termos nos que Eugenia Soriano Roesset, Carlos Martínez-Barbeito e Rafael Picó Pazos acordaron as doazóns, logo de deliberación do Consello da Xunta de Galicia na súa reunión do día tres de novembro de mil novecentos noventa e cinco,
DISPOÑO:
Artigo primeiro.
Acéptanse as seguintes doazóns:
-Desnudo de niña con brazos cruzados, (óleo sobre lenzo) de María Roesset, doado por Eugenia Soriano Roesset.
-Arquivos privados de Andrés Martínez Salazar e Fernando Martínez y Morás, doados por Carlos Martínez-Barbeito y Morás.
-Documentación de Rafael Picó Cañeque, doada por Rafael Picó Pazos.
Artigo segundo.
Os bens mobles doados destinaranse ós museos e arquivos da Xunta de Galicia, quedando adscritos á Consellería de Cultura.
Disposición derradeira.
A Consellería de Economía e Facenda, a través da Secretaría Xeral e do Patrimonio, levará a cabo tódolos trámites necesarios para a efectividade do presente decreto.
Santiago de Compostela, tres de novembro de mil novecentos noventa e cinco.
Manuel Fraga Iribarne
Presidente
José Antonio Orza Fernández
Conselleiro de Economía e Facenda
9506835