A Consellería de Familia, Muller e Xuventude convoca o seguinte concurso polo procedemento aberto:

1. Obxecto: realización do programa Vive a neve-96 que se vai desenvolver en Andorra na estación de esquí de Pal, Soldeu El Tarter ou similar.

2. Orzamento: 38.000 ptas./praza, co IVE engadido. Establécese un orzamento estimado de gasto de 9.880.000 ptas., en función das prazas que se prevé cubir.

3. Garantía provisional: non se esixe.

4. Garantía definitiva: 395.200 ptas.

5. Prazo de execución: do 3 de febreiro ó 23 de marzo de 1996.

6. Clasificación: non se esixe.

7. Solvencia económica e financeira: acreditarase de acordo co establecido no artigo 16 da Lei 13/1995, de contratos das administracións públicas.

8. Solvencia técnica: acreditarase de acordo co establecido no artigo 19 b), e) e f) da Lei 13/1995, de contratos das administracións públicas.

9. Criterios de adxudicación:

9.1. Medios técnicos adscritos á confección do traballo.

9.2. Alternativas e traballos complementarios.

9.3. Calidade total do traballo en función da súa finalidade.

9.4. Prezo.

9.5. Experiencia xustificada en traballos análogos.

10. Documentos de interese para os licitadores: o prego de cláusulas administrativas particulares e o de prescricións técnicas estarán a disposición dos interesados na Dirección Xeral de Xuventude, tódolos días laborais, agás sábados, das 9 ás 15 horas, sita no complexo administrativo San Caetano, bloque 3- 1º piso, Santiago de Compostela, teléfono (981) 54 48 21.

11. Presentación de proposicións: no rexistro xeral da Consellería de Familia, Muller e Xuventude (San Caetano, Santiago de Compostela) ou por calquera dos modos previstos no artigo 100 do Regulamento xeral de contratos do Estado, no prazo de vinteseis días naturais contados desde o día seguinte ó da publicación deste anuncio no Diario Oficial de Galicia.

Cando as proposicións se manden por correo, o licitador deberá xustifica-la data de imposición do envío na oficina de Correos e anunciarlle ó órgano de contratación a remisión da oferta mediante fax (981) 54 58 43 ou telegrama no mesmo día, de conformidade co artigo 100 do Regulamento xeral de contratación do Estado.

12. Documentación que deben presenta-los licitadores: a que se indica na cláusula 9ª do prego de cláusulas administrativas particulares e do prego de prescicións técnicas.

13. Apertura de proposicións: terá lugar na sala de xuntas da Consellería de Familia, Muller e Xuventude (Santiago de Compostela) ás 11 horas do décimo día natural posterior á data de remate do prazo da presentación das propostas. No caso de que coincida en sábado ou festivo, a apertura das proposicións terá lugar no día hábil seguinte.

14. Anuncio: o importe deste anuncio correrá por conta do adxudicatario.

Santiago de Compostela, 7 de novembro de 1995.

Eugenio Corral Álvarez

Director xeral de Xuventude

95-7425