Convocado proceso selectivo para cubrir mediante o nomeamento de persoal interino doce postos de traballo de auxiliares administrativos (grupo D) vacantes
no Consello de Contas de Galicia e publicado no DOG nº 120, do 23-6-1995, (corrección de erros DOG nº 123, do 28-6-1995), a Comisión de Goberno en sesión celebrada o día 2 de outubro de 1995 acordou de conformidade co previsto nas bases da convocatoria,
RESOLVER:
1.-Nomear persoal interino do grupo D do Consello de Contas de Galicia os doce aspirantes seleccionados que acadaron maior puntuación segundo a proposta formulada polo tribunal cualificador dos méritos previstos nas bases da convocatoria e que se relacionan no anexo da presente resolución.
2.-Facer pública no taboleiro de anuncios deste consello de contas a relación completa de aspirantes admitidos no proceso selectivo con expresión das puntuacións obtidas por cada un deles.
3.-No prazo máximo de dez días naturais contados a partir do día seguinte ó da publicación da presente resolución no DOG, os seleccionados deberán presentar neste consello a documentación que se indica na base IX da convocatoria deste proceso selectivo. Se no citado prazo estes non presentan a documentación ou o fan de forma incompleta, perderán tódolos seus dereitos, agás por causa de forza maior.
4.-Contra o referido acordo da Comisión de Goberno cabe interpor recurso ordinario perante o Pleno do Consello de Contas de Galicia no prazo dun mes contado a partir do día seguinte ó da publicación desta resolución no Diario Oficial de Galicia.
Santiago de Compostela, 10 de outubro de 1995.
Carlos G. Otero Díaz
Conselleiro maior do Consello de Contas de Galicia
ANEXO
Nº orde Apelidos e nome DNI Puntuación
1 Fernández Martínez, María 33.256.239 14,75 2 Fernández Martínez, J. Javier 33.287.185 14,65 3 Correcher González, Consuelo 20.760.111 14,50 4 Barreiro Lence, Consuelo 33.287.291 14,30 5 Sousa Rodríguez, Emilia 33.2356.638 14,30 6 Fernández Ferreiro, Mª Eugenia 33.197.139 13,90 7 Fernández Pazos, Mª Pilar 33.297.503 13,65 8 Martínez de la Escalera Pérez, Mª José 33.238.378 13,65 9 Pérez Pardo, Ángeles 33.261.697 13,35 10 Cernadas Meijide, Jesusa 32.814.886 13,05 11 Naveiro Suárez, Mª Pilar 78.783.591 12,60 12 Delgado Varela, Mª José 33.250.971 11,75
9507200