Para os efectos previdos no artigo 9 do Decreto 2617/1966, do 20 de outubro, sométese a información pública a petición de instalación de L.M.T., C.T e R.B.T. en Carbia-Piñeiro, coas seguintes características especiais:
Peticionario: Unión Eléctrica Fenosa, S.A.
Lugar no que se vai establece-la instalación: desde a L.M.T. existente ó C.T. de Santa Cristina de Vea ata o C.T. que se proxecta en Carbia-Piñeiro, concello da Estrada.
Finalidade da instalación: mellora-la subministración eléctrica na zona.
Características principais:
L.M.T., aerea, a 20 kV, de 69 m de lonxitude, con conductor tipo LA-56, sobre apoios de formigón.
C.T. de 50 kVA, relación de tranformación 20 kV-380/220 V.
R.B.T., de 1.465 m de lonxitude, con conductor tipo R.Z., sobre apoios de formigón e febra de vidro.
Orzamento: 5.903.000 ptas.
O que se fai público para que poida ser examinado o proxecto da instalación nestas oficinas, sitas na Rúa Nova de Abaixo, nº 2, e formularse contra el as reclamacións, por duplicado, que se consideren oportunas, no prazo de trinta días contados a partir do seguinte ó da publicación desta resolución.
Pontevedra, 29 de setembro de 1995.
Ramón Álvarez Abad
Delegado provincial de Pontevedra
95-06671