De conformidade coa proposta elevada pola comisión designada para xulga-lo concurso convocado por resolución desta universidade, de 1 de xuño de 1994 (BOE do 29 de xuño) para a provisión da praza número 035/1994 de profesor titular de escola universitaria da área de coñecemento de filosofía, do departamento de Filosofía, Antropoloxía e Métodos de Investigación en Educación, a favor de Juan Carlos Couceiro Bueno, e unha vez acreditados polo interesado os requisitos a que alude o artigo 5.2º do Real decreto 1888/1984, do 26 de setembro,

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Juan Carlos Couceiro Bueno, profesor titular de escola universitaria da área de coñecemento de filosofía, do departamento de Filosofía, Antropoloxía e Métodos de Investigación en Educación desta universidade.

A Coruña, 10 de outubro de 1995.

José Luis Meilán Gil

Rector da Universidade da Coruña

95-6736