Convocadas a provisión as prazas dos corpos docentes universitarios que se relacionan no anexo adxunto, e dando cumprimento ó disposto no artigo 6 do Real decreto 1888/1984, do 26 de setembro (Boletín Oficial del Estado do 26 de outubro); artigo 1 do Real decreto 1427/1986, do 13 de xuño (Boletín Oficial del Estado do 11 de xullo), e artigo 17 e) do Real decreto 552/1985, do 2 de abril (Boletín Oficial del Estado do 27).
Esta secretaría xeral resolveu sinala-la celebración dos sorteos correspondentes ás prazas descritas no citado anexo, co fin de designa-los membros das comisións que han ser elixidos por este procedemento, para o día 14 de novembro de 1995, ás dez horas, e estes realizaranse polo sistema informático aprobado pola comisión académica do Consello de Universidades na súa sesión do 25 de xuño de 1985, de modo secuencial, segundo a orde na que figuran relacionados no anexo citado.
Os anteditos sorteos celebraranse no Consello de Universidades (Ciudad Universitaria, sen número, 28040 Madrid).
Para os efectos previstos no artigo 1 do Real decreto 1888/1984, do 26 de setembro, a partir da data da presente resolución, faranse públicas as relacións dos profesores que participarán nos sorteos no Consello de Universidades.
Das citadas relacións e no momento do sorteo serán excluídos aqueles profesores que:
-Pertenzan á mesma universidade á que corresponda a praza.
-Fosen designados para formar parte da comisión titular pola universidade á que corresponda a praza.
-Sexan aspirantes e pertenzan á mesma área de coñecemento á que corresponda a praza.
As reclamacións contra as referidas relacións formularanse antes do día 9 de novembro, dirixidas á Secretaría Xeral do Consello de Universidades (Ciudad Universitaria, sen número, 28040 Madrid).
Nos concursos nos que non existan suficientes profesores do corpo e área de coñecemento a que corresponda a praza, haberá que aterse ó previsto no artigo 1 do Real decreto 1427/1986, do 13 de xuño, que modifica o artigo 6.9º do Real decreto 1888/1984, do 26 de setembro.
O que comunico para o seu coñecemento e efectos.
Madrid, 17 de outubro de 1995.
Francisco Michavila
Secretario xeral
Sr. Vicesecretario Xeral do Consello de Universidades
Universidade de Santiago de Compostela
Concursos convocados por Resolución do 10-5-1995 (BOE do 1-6).
Se é o caso, indícase entre parénteses o número de prazas.
O número de orde corresponde ó da resolución citada.
Concurso número: 1308.
Nº sorteo: 28.950.
Corpo: profesores titulares de universidade.
Área de coñecemento: anatomía e anatomía patolóxicas comparadas.
Presidente titular: Ignacio Salazar Beloqui.
Vocal secretario titular: Lucas Moya Jiménez.
Concurso número: 1309.
Nº sorteo: 28.951.
Corpo: profesores titulares de universidade.
Área de coñecemento: historia da arte.
Presidente titular: Manuel Núñez Rodríguez.
Vocal secretario titular: Ramón Yzquierdo Perrín.
Concurso número: 1310.
Nº sorteo: 28.952.
Corpo: profesores titulares de universidade.
Área de coñecemento: tecnoloxía de alimentos.
Presidente titular: José Mª López Roca.
Vocal secretario titular: Manuel Alcalá Aguilera.
Concurso número: 1311.
Nº sorteo: 28.953.
Corpo: profesores titulares de universidade.
Área de coñecemento: xeografía humana.
Presidente titular: José Luis Calvo Palacios.
Vocal secretario titular: Julio Hernández Borge.
95-6772