Aprobado inicialmente polo Concello Pleno, con data 28 de setembro de 1995, a modificación da delimitación da U.A. V-02 Vista Alegre do PXOU de Vigo (3282/411), delimitando a U.E. de ámbito discontinuo Vista Alegre-Ourense, a executar polo sistema de compensación, situada entre as rúas López Mora e Ourense, e entre García Barbón e Julia Minguillón, segundo a documentación elaborada polo arquitecto León López de la Osa González; sométese a información pública polo prazo de quince días hábiles con anuncios no Diario Oficial de Galicia, BOP, Faro de Vigo e taboleiro de anuncios da casa do concello, con notificacións individuais ós propietarios e restantes interesados directamente afectados.
O prazo entenderase aberto desde a primeira publicación ata o remate dos quince días, contados desde o día seguinte ó do derradeiro anuncio.
O que se fai público para xeral coñecemento, significando que a documentación se atopa na Oficina Municipal de Información para exame e alegacións.
Vigo, 5 de outubro de 1995.
Manuel Pérez Álvarez
Alcalde de Vigo