O Pleno da Corporación Municipal da Coruña, en sesión celebrada o 25 de outubro de 1993, acordou ceder gratuitamente á Consellería de Sanidade da Xunta de Galicia, para a construcción dun centro de saúde, unha parcela de 1474,20 m sita na zona de Casablanca-lugar das Moas e descrita cos seguintes lindes: ó norte, rúa José María Hernansaez e outra de nova apertura; ó sur, Gabriel Valero Rey, José Canzobre e camiño; ó leste, resto do predio da que procede e ó oeste, termina en punta.
Mediante o Decreto 203/1995, do 6 de xullo, publicado no DOG nº 134, do 13 de xullo, o Consello da Xunta de Galicia acordou acepta-la antedita cesión.
Posteriormente, advirtiuse polo Concello da Coruña un erro na descrición do predio obxecto de cesión, acordándose polo Pleno do antedito Concello, en sesión celebrada o 14 de setembro de 1995, a rectificación do acordo de cesión.
Á vista do exposto procede rectifica-lo parágrafo primeiro do artigo 1 do antedito Decreto 203/1995, do 6 de xullo (DOG do 13 de xullo).
Na súa virtude, por proposta da Consellería de Economía e Facenda, logo de deliberación do Consello da Xunta de Galicia na súa reunión do día trece de outubro de mil novecentos noventa e cinco,
DISPOÑO:
Artigo único.-Rectifícase a descrición do terreo á que se fai referencia no parágrafo primeiro do artigo 1 do Decreto 203/1995, do 6 de xullo, polo que se acepta a cesión, a título gratuíto, dun terreo de 1474,20 m sito na zona de Casablanca-lugar das Moas, parroquia de Santa María de Oza, concello da Coruña, feita a favor da Comunidade Autónoma de Galicia para a construcción dun centro de saúde, quedando como segue: terreo de 1474,20 m sito na zona de Casablanca-lugar das Moas, parroquia de Santa María de Oza, que linda ó norte, con rúa José María Hernansaez e outra de nova apertura; ó sur, con herdeiros de Jesús Mazás Villamarín; ó leste, camiño e ó oeste, parcela da que se segrega e parcela destinada a Instituto Monte das Moas.
Santiago de Compostela, trece de outubro de mil novecentos noventa e cinco.
Manuel Fraga Iribarne
Presidente
José Antonio Orza Fernández
Conselleiro de Economía e Facenda
95-6973