A Dirección Xerencia do Hospital Montecelo en virtud das atribucións que lle foron delegadas conforme o establecido no artigo 7 da Orde de 15 de setembro de 1994 da Consellería de Sanidade e Servicios Sociais (DOG do 3 de outubro, nº 191), resolve a contratación de servicios fotográficos mediante concurso público polo procedimento aberto e trámite de urxencia por un importe de dous millóns oitocentas vintecinco mil pesetas. (2.825.000 ptas. anuais).
Obxecto e orzamento: a contratación de servicios fotográficos por un orzamento anual de dous millóns oitocentas vintecinco mil pesetas (2.825.000 ptas.), IVE incluído.
Prazo de execución: o servicios obxecto do presente concurso público executaranse a partir da data de formalización do contrato e ata o 31 de decembro.
Documentos de interese para os licitadores: o prego de cláusulas administrativas particulares, e demais documentación complementaria poden ser solicitados no Servicio de Subministracións e Concursos do Hospital Montecelo, lugar de Mourente, s/n., 36071 Pontevedra, nos días laborables desde as 9 ata as 14 horas, ou ó teléfono nº (986) 80 00 17, e fax nº (986) 80 00 01, durante o prazo de admisión das proposicións.
Fianzas: o dous por cento do orzamento da licitación, que se constituirá conforme co disposto no prego de cláusulas administrativas particulares.
Solvencia económica e financeira: as empresas licitadoras acreditarán a súa solvencia económico-financieira por calquera dos medios previstos no artigo 16 da Ley 13/1995 de contratación das administracións públicas.
Solvencia técnica: acreditarase por algún dos medios previstos no artigo 18 da Ley 13/1995 de contratación das administracións públicas.
Criterios de adxudicación: o criterio primordial é te-lo domicilio social ou ben taller de servicio nunha área próxima ó Hospital Montecelo para poder presta-lo servicio coa inmediatez que require, independentemente dos que a continuación se enumeran:
1. Valor técnico.
2. Presencia, experiencia no sector sanitario.
3. Prezo.
4. Prestacións superiores ou complementarias as esixidas.
5. Valores engadidos.
6. Prazo de entrega.
Clasificación: non se esixe.
Presentación de proposicións: as proposicións presentaranse en man, en sobres pechados e asinados polo licitador ou persoa que o represente, no registro xeral do Hospital Montecelo, antes das catorce horas do décimo terceiro día natural contado a partir do seguinte ó da publicación desta resolución no DOG, ou por correo na forma indicada no artígo 100 do Regulamento xeral de contratos do Estado.
Apertura de proposicións: a apertura das proposicións admitidas realizarase pola mesa de contratación, reunida en acto público na sala de xuntas do Hospital Montecelo, ás dez horas do décimo primeiro día natural contado a partir do seguinte a aquel no que remate o prazo de presentación de ofertas, no caso de que o mencionado día coincida en sábado ou festivo, a apertura das proposiciones terá lugar o día hábil seguinte.
Documentación que deberán presenta-los licitadores: os documentos que figuran no prego de cláusulas administrativas particulares.
Anuncios: os anuncios do presente concurso público serán por conta do adxudicatarios do contratos.
Pontevedra, 5 de outubro de 1995
Rafael Pérez-Santamarina Feijoo
Director xerente do Hospital Montecelo
95-6519