O artigo 2.4º, do Decreto 327/1991, do 4 de outubro, de avaliación de efectos ambientais para Galicia (DOG nº 199, do 15 de outubro), dispón que o órgano ambiental sometará o estudio de efectos ambientais ó trámite de información pública, durante quince días hábiles, mediante anuncio no Diario Oficial de Galicia. Na súa virtude,

RESOLVO:

Primeiro.-Someter a información pública, no prazo de quince días hábiles, contados a partir da publicación da presente resolución, o estudio de efectos ambientais do proxecto de aproveitamento hidroeléctrico do río San Bernabeu, sito no concello de Viana do Bolo (Ourense), e promovido por Eléctrica de Alberguería, S.A. (EDASA).

Segundo.-Para os ditos efectos informativos, poranse á disposición dos administrados exemplares nas seguintes dependencias:

-Secretaría Xeral da Comisión Galega do Medio Ambiente.

-Delegación Provincial da Consellería da Presidencia e Administración Pública (Comisión Provincial de Medio Ambiente) da provincia de Ourense.

-Concello de Viana do Bolo.

Terceiro.-As alegacións formularanse durante o dito prazo de quince días.

Cuarta.-Una vez finalizado o mencionado prazo, remitirase o expediente coas correspondentes alegacións á Secretaría Xeral da Comisión Galega do Medio Ambiente.

Santiago de Compostela, 11 de agosto de 1995.

José Luis Aboal García-Tuñón

Secretario xeral da Comisión Galega do Medio Ambiente

95-6484