De conformidade coa proposta elevada pola comisión designada para xulga-lo concurso convocado por resolución desta universidade do 1 de xuño de 1994 (BOE do 29 de xuño) para a provisión da praza número 94/023 de catedrático de universidade da área de coñecemento de filosofía, do departamento de Filosofía, Antropoloxía e Métodos de Investigación na Educación, a favor de Sergio Vences Fernández, e unha vez acreditados polo interesado os requisitos a que alude o artigo 5.2º do Real decreto 1888/1984, do 26 de setembro,

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Sergio Vences Fernández catedrático de universidade da área de coñecemento de filosofía, do departamento de Filosofía, Antropoloxía e Métodos de Investigación na Educación desta universidade.

A Coruña, 27 de setembro de 1995.

José Luis Meilán Gil

Rector da Universidade da Coruña

6584