O rector, unha vez cumpridos os trámites administrativos correspondentes, resolveu anunciar concurso con intervención de xurado para a adxudicación do traballo que a continución se indica:
-Obxecto: redacción dun proxecto de obra de urbanización e axardinamento do Campus Universitario de Ourense (Expte. nº 306/1995).
-Licitadores: persoas físicas ou xurídicas que reúnan os requisitos esixidos no prego de cláusulas administrativas particulares.
-Garantías: as indicadas no prego de cláusulas administrativas particulares.
-Prego de cláusulas: tódolos interesados poderán exminiar e recolle-los pregos no Servicio de Xestión Económica e Contratación da Universidade de Vigo, r/ Oporto, 1-2º andar, 36201 Vigo (Pontevedra) de 9 a 14 horas de luns a venres.
-Criterios de elección: adaptación a e calidade do conxunto da intervención. Custo total da intervención.
-Lugar de presentación de ofertas: as propostas presentaranse no rexistro xeral da Universidade de Vigo r/ Oporto, 1-2º andar, 36201 Vigo (Pontevedra) de 9 a 14 horas de luns a sábado, dirixidas ó presidente da mesa de contratación.
Prazo de presentación: o prazo para a recepción das ofertas comezará ó día seguinte ó da publicación da presente resolución no DOG e rematará o vixésimo sexto día natural ás 14 horas.
-Documentación que presentarán os licitadores: a especificada no prego de cláusulas administrativas.
O importe deste anuncio correrá a cargo do adxudicatario do proxecto.
Vigo, 27 de setembro de 1995.
José Pose Blanco
Vicerrector de Economía
6279