A Dirección Xerencia do Complexo Hospitalario Cristal Piñor de Ourense, en virtude das atribucións que lle foron delegadas conforme o establecido no artigo 7 da Orde do 15 de setembro de 1994 (DOG do 3 de outubro) da Consellería de Sanidade e Servicios Sociais, convoca o seguinte concurso público:

Contratación do servicio de transporte intercentros do Complexo Hospitalrio Cristal Piñor.

Orzamento: 7.200.000 pesetas (IVE incluído).

Forma de adxudicación: procedemento aberto mediante concurso público número 6/1995, tramitado con carácter urxente.

Prazo de execución: 1 ano, contado desde a suscrición do contrato, que poderá ser prorrogado por acordo expreso das partes por períodos de tempo anuais, conforme o artigo 158 LCAP.

Admisión de variantes: sempre que se cumpra o establecido no prego de cláusulas técnicas particulares.

Solvencia económica e financeira: non se require.

Solvencia técnica: acreditada mediante relación dos principais servicios ou traballos realizados e declaración do material, instalacións e equipo técnico de que dispoña para a realización do contrato.

Criterios de adxudicación: 1) Valor técnico, 4 puntos. 2) Prezo, 4 puntos. 3) Características estéticas e funcionais, 2 puntos.

Documentación de interese para os licitadores: os pregos de cláusulas administrativas particulares e técnicas, e demais documentación complementaria poden ser solicitados na Secretaría da Dirección de Xestión e SS.XX. do complexo hospital, rúa Ramón Puga, 52, (edificio administración, planta baixa), de Ourense, en días laborables, das 9 ás 13 horas.

Fianza provisional: non se require.

Fianza definitiva: será do 4% do orzamento máximo de licitación.

Presentación de proposicións: presentaranse en man, en sobres pechados e asinados polo licitador ou persoa que o represente, no rexistro xeral deste complexo hospitalario, antes das 13 horas do décimo terceiro día natural contado desde o seguinte ó da publicación desta resolución no DOG, ou enviadas por correo dentro do prazo sinalado.

Cando as proposicións se envíen por correo, o licitador deberá xustifica-la data de imposición do envío na oficina de correos e anunciar o órgano de contratación a remisión da oferta mediante fax (988) 38

55 50 ou telegrama no mesmo día, de conformidade coa lexislación vixente.

Apertura de proposicións: terá lugar en acto público na sala de xuntas anexa á dirección xerencia do complexo hospitalario, ás 9 horas do décimo primeiro día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo a apertura de proposicións terá lugar o día hábil seguinte.

Documentación que achegarán os licitadores: os documentos sinalados no prego de cláusulas administrativas particulares.

Anuncios: o pagamento dos anuncios do presente concurso público correrán por conta do adxudicatario do contrato.

Ourense, 28 de setembro de 1995.

Pedro A. Soler Bordoy

Director xerente do Complexo Hospitalario Cristal Piñor de Ourense

6493