Vistos os informes dos servicios técnicos desta dirección xeral e dos órganos consultivos favorables á incoación de expediente como ben de interese cultural con categoría de zona arqueolóxica a favor do xacemento paleolítico das Gándaras de Budiño sito no Concello de Porriño (Pontevedra), e de conformidade cos artigos 6 a) e 9.2º da Lei 16/1985, do 25 de xuño, do patrimonio histórico español; artigo 11.2º do Real decreto 64/1994, do 21 de xaneiro, que modifica o Real decreto 111/1986, do 10 de xaneiro, que desenvolve parcialmente a antedita lei; e de conformidade co artigo 7 do Decreto 430/1991, do 30 de decembro, polo que se regula a tramitación para a declaración de bens de interese cultural de Galicia. Esta dirección xeral,
RESOLVE:
Primeiro.-Incoar expediente de declaración de ben de interese cultural con categoría de zona arqueolóxica do xacemento paleolítico das Gándaras sito no concello do Porriño (Pontevedra). De acordo coa Lei 16/1985, do patrimonio histórico español, e do Decreto 430/1991, do 30 de decembro, da Consellería de Cultura.
A delimitación do seu contorno figura no plano do anexo I, sendo a descrición a do anexo II.
Segundo.-Segui-la tramitación do expediente segundo as disposicións vixentes.
Terceiro.-Dar traslado da resolución ó alcalde do Concello do Porriño (Pontevedra) notificarlle que o outorgamento das novas licencias de obras, e a execución das xa outorgadas antes de incoarse o expediente, precisarán resolución favorable da Dirección Xeral do Patrimonio Histórico e Documental.
Cuarto.-De acordo co disposto no artigo 12.2º do Real decreto 64/1994, do 21 de xaneiro, que modifica o Real decreto 111/1986, do 10 de xaneiro, de desenvolvemento parcial da Lei 16/1985, do patrimonio histórico español, notificaráselle a resolución os propietarios dos predios e ó Rexistro de Bens de Interese Cultural do Ministerio de Cultura, e de acordo co artigo 7 b) do Decreto 430/1991, notificarase ademais ó Rexistro de Bens de Interese Cultural de Galicia.
Quinto.-Que a presente resolución sexa publicada no Diario Oficial de Galicia e no Boletín Oficial del Estado, abríndose un período de información de 10 días hábiles, contados a partir do día seguinte ó da súa publicación no Diario Oficial de Galicia.
Santiago de Compostela, 12 de setembro de 1995.
Ángel Sicart Giménez
Director xeral do Patrimonio Histórico e Documental
ANEXO II
XACEMENTO PALEOLÍTICO DAS GÁNDARAS DE BUDIÑO-O PORRIÑO (PONTEVEDRA)
Delimitación
referenciaPuntos de
COOR. U.T.M.: X COOR. U.T.M.: Y
Punto 1 531.510 4.662.074 Punto 2 531.566 4.662.074 Punto 3 531.566 4.661.949 Punto 4 531.518 4.661.976 Punto 5 531.516 4.661.960 Punto 6 531.608 4.661.933 Punto 7 531.612 4.661.856 Punto 8 531.524 4.661.836
95-06174