Conforme as funcións atribuídas pola Lei 4/1987, do 27 de maio, de creación da escola, e pola Lei 10/1989, do 10 de xullo de modificación da anterior, anúnciase a convocatoria dos cursos e xornadas que figuran no anexo I, que deberán desenvolverse conforme as seguintes bases:
Primeira.-Solicitudes.
1. O persoal que desexe participar nestes cursos deberá presentar, cuberta en tódolos epígrafes que lles corresponda, a instancia e currículum segundo o modelo anexo II.
2. A falsidade ou ocultación de datos esenciais para a selección dos aspirantes dará lugar é exclusión automática do curso e á imposibilidade de participar en ningún outro curso neste ano.
3. O prazo de presentación de instancias será o que se sinala para cada curso no anexo I.
4. A devandita documentación dirixirase á EGAP, rúa de Madrid, nº 2-4 (polígono das Fontiñas), 15703 Santiago de Compostela, e presentarase no rexistro da EGAP, das delegacións provinciais da Consellería da Presidencia e Administración Pública ou en calquera das oficinas previstas no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.
Segunda.-Acceso ás actividades.
1. Poderá participa-lo persoal que cumpra os requisitos específicos esixidos para cada curso. Nos cursos que se celebran en distintas localidades terá preferencia o peroal dos servicios respectivos.
2. A lista dos seleccionados publicarase no taboleiro de anuncios da EGAP.
Tercerira.-Certificacións de participación.
1. É obrigatoria a asistencia a tódalas sesións dos cursos. Toda inasistencia a clase deberá ser xustificada debidamente polo interesado, sen supera-lo 15% das horas lectivas programadas para o curso; unha inasistencia superior ó 15%, aínda que sexa xustificada, impedirá a expedición do certificado.
2. Ós asistentes que superen as probas que determine a EGAP, outorgaráselles unha certificación de aproveitamento.
3. Para coñecemento e constancia no seu expediente, o interesado deberá facilitarlles unha copia ós servicios de persoal do seu centro directivo.
Santiago de Compostela, 25 de setembro de 1995.
Jaime Rodríguez-Arana Muñoz
Director da Escola Galega de Administración Pública
ANEXO I
XORNADAS TÉCNICAS DE PUBLICACIÓNS
1.-Obxectivos.
A xornada ten por obxectivos afondar, respecto ós encargados de publicacións dos departamentos da Xunta de Galicia, nos aspectos xurídicos, técnicos, e comerciais do proceso de publicación.
2.-Destinatarios.
Encargados das publicacións dos departamentos da Xunta de Galicia; circunstancia que deberá acreditarse mediante certificación do xefe do centro directivo correspondiente.
3.-Criterios de selección.
Os criterios de selección que se terán en conta serán os que se fan públicos no apartado B) do anexo á Resolución do 27-6-1997 (DOG nº 149, do 3-8-1994).
4.-Desenvolvemento:
4.1.-Duración: 25 horas (1 sesión de 5 horas, 5 sesións de 4 horas).
4.2.-Lugar: EGAP.
4.3.-Horarios: normalmente de 10 a 14 horas.
4.4.-Datas: durante os meses de outubro e novembro de 1995.
4.5.-Prazas: limitadas por razón de organización.
5.-Contido básico:
As publicacións institucionais. A xestión do libro: correción, preproducción. O deseño e a maquetería. Os procesos da impresión. A distribución do libro.
6.-Prazo de presentación de solicitudes.
O prazo de presentación de solicitudes remata ós 10 días contados a partir do seguinte ó da publicación da presente resolución.
CURSO DE SEGURIDADE E HIXIENE NO TRABALLO
1.-Obxectivos.
O obxectivo do curso é proporcionar uns coñecementos básicos en materia de seguridade e hixiene no traballo para persoal administrativo e auxiliar, que permitan unha mellora da capacidade técnica e humana no traballo, para evitar situacións de risco e saber facer fronte a accidente ou situacións concretas.
2.-Destinatarios.
Persoal funcionario dos grupos C e D e persoal laboral fixo da categoría IV ó servicio da Xunta de Galicia, Parlamento galego, Valedor do Pobo, Consello de Contas e das tres universidades galegas. Terá preferencia o persoal que estea traballando con ordenadores persoais, circunstancia que deberá acreditarse no momento de solicita-lo curso mediantes certificación do xefe do centro directivo de dependencia do solicitante.
3.-Criterios de selección.
Os criterios de selección que se terán en conta serán os que se fan públicos no apartado B) do anexo á Resolución do 27-6-1994 (DOG nº 149, do 3-8-1994).
4.-Desenvolvemento do curso:
4.1.-Duración: 12 horas.
4.2.-Lugares e datas: Santiago: 20 ó 23 de novembro; A Coruña: 27 ó 30 de novembro; Ferrol: 11 ó 14 de decembro.
4.3.-Horario: de 17 a 20 horas.
4.4.-Prazas: 25.
5.-Contido básico:
Introducción á saúde laboral. Ordenamento xurídico. O risco de incendio e explosión. O risco eléctrico. Riscos ambientais. Actuación sanitaria de emerxencia. Riscos no manexo de ordenadores.
6.-Prazo de presentación de instancias: o prazo de presenación de instancias remata un mes antes da data de comezo de cada curso.
CURSO DE INSPECCIÓN DE CONSUMO
1.-Obxectivos:
O obxectivo do curso é proporcionar ó persoal dos grupos A, B e C ó servicio da Xunta de Galicia que estean desempeñando inspección de consumo a preparación adecuada para desempeñar correctamente o seu cometido nas labores propias da inspección.
2.-Destinatarios:
Persoal dos grupos A, B e C ó servicio da Xunta de Galicia que estean desempeñando tarefas propias de inspección de consumo, o que deberá acreditarse mediante certificación do xefe do centro directivo correspondente.
3.-Criterios de selección.
Os criterios de selección que se terán en conta serán os que se fan públicos no apartado B) do anexo á Resolución do 27-6-1994 (DOG nº 149, do 3-8-1994).
4.-Desenvolvemento do curso:
4.1.-Duración: 100 horas.
4.2.-Lugar: EGAP.
4.3.-Datas: do 16 de outubro ó 14 de decembro.
4.4.-Horario: de 17 a 20 horas.
4.5.-Prazas: 75.
5.-Contido básico:
Os dereitos do consumidor. A inspección de consumo. Procedemento sancionador. Publicidade. Regulación de productos e servicios determinados respecto ós dereitos do consumidor.
6.-Prazo de presentación de instancias: o prazo de presentación de instancias remata 5 días antes da data de comezo do curso.
CURSO DE ELIMINACIÓN DE BARRERAS ARQUITECTÓNICAS
1.-Obxectivos.
O afondamento do problema das barreiras arquitectónicas.
2.-Destinatarios.
Arquitectos e enxeñeiros técnicos municipais, circunstancias que deberán acreditarse mediante certificación do xefe do centro directivo correspondente.
3.-Criterios de selección.
Os criterios de selección que se terán en conta serán os que se fan públicos no apartado B) do anexo á Resolución do 27-6-1994 (DOG nº 149, do 3-8-1994).
4.-Desenvolvemento:
3.1.-Duración: 16 horas.
3.2.-Lugar: EGAP.
3.3.-Datas: 9 e 10 de novembro de 1995.
3.4.-Horarios: de 10 a 14 e de 16 a 20 horas.
3.5.-Prazas: 60.
5.-Contido básico:
-Mobilidade reducida e accesibilidade.
-Barreiras arquitectónicas.
-Normativa.
6.-Prazo presentación instancias: o prazo de presentación de instancias remata 15 días naturais antes da data de comezo do curso.
