Gonzalo Jorge Cabaleiro de Saa, secretario da Administración de xustiza, con destino no Xulgado de Primeira Instancia e Instrucción número dous de Santiago de Compostela, certifico que no libro de sentencias dictadas por este juzgado en procedementos civís, consta a recaída nos autos de menor contía número 96/1993, que no seu encabezamento e parte dispositica é do teor literal seguinte:
«Sentencia. En Santiago de Compostela o vinteseis de xaneiro de mil novecentos noventa e cinco. Salvador Sanz Crego, maxistrado-xuíz do Xulgado de Primeira Instancia e Instrucción número dous dos de Santiago de Compostela e o seu partido, viu os presentes autos de xuízo de menor contía, seguidos neste xulgado baixo o número 96/1993, por instancia de Cooperativa de Productos del Campo de Bugallido, con domicilio social en Bugallido (Ames), representado polo procurador García Piccoli, e coa asistencia técnica do letrado Lorenzo Vázquez contra Marcelino López Guerra e esposa, Marina Framil Rey, José López Framil e esposa, Mercedes Péres Ares, Marcelino López Framil e esposa, María Elsa Vieiro Perol, todos eles maiores de idade, veciños do concello de Ames, con domicilio no lugar de Guimarás, parroquia de Bugallido, representado o López Framil polo procurador Regueiro Muñoz, e coa asistencia técnica do letrado López Fernández, encontrándose en rebeldía os demais demandados.
Decido que estimando integramente a demanda interposta pola representación da Cooperativa de Productos del Campo de Bugallido, contra Marcelino López Guerra, Marina Framil Rey, José López Framil, María Elsa Vieiro Perol, debo condenar e condeno ós mencionados demandados a pagar de maneira solidaria á demandante a cantidade de 3.364.838 pesetas e mailos xuros desta que se devenguen desde a última data de capitalización, 29 de marzo de 1992, ata a do seu completo pagamento, con imposición das custas causadas.
Notifíquese esta resolución ós demandados rebeldes do modo establecido nos artigos 769 en relación co 282 e 283 da Lei de axuizamento civil, de non se poder levar a cabo a notificación persoal.
Contra esta resolución poderá interpoñerse neste xulgado recurso de apelación por escrito no prazo de cinco días contado desde a súa notificación.
Así por esta miña sentencia definitivamente xulgando en primeira instancia, pronúncioo, mándoo e asínoo».
E para que así conste e sirva de cédula de notificación en forma ós demandados en situación procesual de rebeldía, expido, asino e selo a presente cédula en Santiago de Compostela o vinteseis de xullo de mil novecentos noventa e cinco.
O secretario xudicial
Rubricado
95-5746
