Os apartados 1 e 2 da base cuarta da resolución deste centro directivo do 18 de maio de 1995 (DOG nº 99, do 25 de maio) pola que se convoca concurso-oposición para o ingreso nas categorías de persoal estatutario do Servicio Galego de Saúde de auxiliar de enfermería, grupo auxiliar da función administrativa, celador e pinche, prevén que, unha vez rematado o prazo de presentación de instancias para cada unha das categorías convocadas e clasificadas e revisadas as mesmas por esta dirección xeral, dicte resolución declarando con carácter provisional, os aspirantes admitidos e excluídos, co motivo da exclusión, para cada unha das ditas categorías, así como a súa publicación.

Por todo isto, esta dirección xeral,

ACORDA:

Primeiro.-Declarar con carácter provisional os aspirantes admitidos e excluídos para participar no concurso-oposición para o acceso ás categorías de persoal estatutario do Servicio Galego de Saúde de auxiliar de enfermería, grupo auxiliar da función administrativa, celador e pinche, convocado por Resolución do 18 de maio de 1995.

Segundo.-Os listados coa relación de aspirantes admitidos e excluídos, coas correspondentes causas de exclusión, poderán examinarse nos seguintes lugares:

a) Na Secretaría Xeral da Consellería de Sanidade e Servicios Sociais.

b) Na Dirección Xeral de Recursos Humanos do Servicio Galego de Saúde.

c) Na oficina de información ó cidadán da Consellería da Presidencia e Administración Pública.

d) Nas delegacións provinciais da Consellería de Sanidade e Servicios Sociais.

e) Nas direccións provinciais do Servicio Galego de Saúde.

f) Nos servicios de persoal dos centros ou complexos hospitalarios da rede pública do Servicio Galego de Saúde.

g) Nos servicios de persoal das administracións das xerencias de atención primaria do Servicio Galego de Saúde.

h) Na Casa de Galicia en Madrid sita na rúa Casado de Alisal, número 8.

Terceiro.-Os apirantes excluídos disporán dun prazo de quince días naturais, contados a partir do día seguinte ó da publicación da presente resolución no Diario Oficial de Galicia, para poderen emendar, se é o caso, o defecto que motivou a súa exclusión.

Cuarto.-Durante o período de tempo indicado no apartado anterior e para o obxecto de que os interesados soliciten as aclaracións que sexan necesarias en relación coa súa admisión ou, se é o caso, exclusión, existirá un teléfono de información número (902) 23 96 53 entre as 16 e as 19 horas de luns a venres.

Santiago de Compostela, 20 de setembro de 1995. Carlos Negreira Souto

Director xeral de Recursos Humanos

95-5716