Obxecto: contratación mediante concurso aberto do mantemento e revisión para o cumprimento das normas ITIC das caldeiras de calefacción en dependencias municipais e colexios públicos do concello de Vigo.
Prazo de execución: o contrato comezará o día seguinte ó da súa notificación do acordo de adxudicación e rematará o día 30 de xuño de 1996.
Tipo de licitación: o prezo máximo para a totalidade do servicio fíxase en 5.025.000 ptas.
Fianzas: a parovisional fíxase en 100.500 ptas. e a definitiva en 201.000 ptas.
Prego de condicións: o prego de condicións estará exposto ó público, para efectos de posibles reclamacións, durante os oito primeiros días hábiles seguintes ó da publicación do presente anuncio no BOP.
Prazo de presentación de proposicións: as proposicións presentaranse en sobre pechado no rexistro xeral do concello de Vigo, de 9 a 13 horas, dentro dos trece días naturais seguintes ó da publicación do último dos anuncios do concurso no Diario Oficial de Galicia e BOP, acompañadas da documentación esixida no prego de condicións.
Apertura de plicas: a apertura de plicas terá lugar ás doce horas do día hábil seguinte a aquel no que finalice o prazo de presentación de proposicións na Casa Consistorial do concello de Vigo. Se este coincidise en sábado, a apertura terá lugar á mesma hora do primeiro día hábil seguinte.
Criterios de adxudicación e documentación: cláusulas 8 e 11 do prego de condicións.
Modelo de proposición:
Don/Dona..., con DNI nº..., expedido en..., actuando en nome propio (ou en representación de...), coñecedor do concurso convocado polo concello de Vigo para o mantemento e revisión par ao cumprimento das normas ITIC das caldeiras de calefacción en dependencias municipais e colexios públicos, segundo anuncio publicado no BOP nº..., con data... e Diario Oficial de Galicia nº..., con data..., solicita a súa admisión no mesmo e fai cosntar:
a) Que acepta integramente o prego de condicións técnicas e administrativas.
b) Que solicita a súa admisión no concurso convocado por ese concello no boletín oficial de..., nº..., con data...
c) Achega declaración xurada, xustificante de constituí-la fianza provisional e demais documentos esixidos no prego de condicións.
d) Propón como prezos de adxudicación do concurso os seguintes:
Para as dependencias municipais (D1, D2, D3 e D4 do prego de condicións técnicas) un prezo de... ptas.
Para os colexios públicos (C1 a C31 do prego de condicións técnicas) un prezo de... ptas.
Fixa como prezo das operacións sinaladas no punto 3.B das condicións técnicas as seguintes: (relacionaranse as operacións e valoraranse, incluíndo na valoración o IVE).
Lugar, data e sinatura do licitador.
Vigo, 12 de setembro de 1995.
Manuel Pérez Álvarez
Alcalde
5767