Rafael González Alio, secretario do Xulgado do Social número un de Lugo dá fe e testemuño de que nos autos de xuízo número 344/1995, que se tramitan por instancia de Confederación Intersindical Galega, contra a Asociación de Transportes Discrecionais de Mercancías por Carretera e outros, sobre impugnación do convenio colectivo, se dictou a sentencia que no seu encabezamento e parte dispositiva di:
«Sentencia nº 386. En Lugo o tres de agosto de mil novecentos noventa e cinco.
José Elías López Paz, maxistrado-xuíz do Xulgado do Social número un dos de Lugo, viu os presentes autos dimanantes de xuízo verbal número 344/1995, sobre impugnación do convenio colectivo, no que son partes, como demandante, o sindicato Confederación Intersindical Galega (CIG), representado pola letrada Esperanza López Silvosa, e como parte demandada, a Asociación de Transportes Discrecionales de Mercancías por Carretera, a Asociación de Empresarios de Agencias de Carga Fraccionada, e a Asociación de Empresas de Agencias de Carga Completa, representadas pola letrada Guadalupe Hervera Iglesias, o sindicato Comisións Obreiras (CC.OO.), o sindicato Unión Xeral de Traballadores (UGT) e o Ministerio Fiscal, os cales non compareceron a pesar de estaren citados en legal forma.
Decido que estimando a demanda formulada polo sindicato Confederación Intersindical Galega (CIG) e o sindicato Comisións Obreiras (CC.OO.), sobre
impugnación do convenio colectivo contra a Asociación de Transportes Discrecionales de Mercancías por Carretera, a Asociación de Empresarios de Agencias de Carga Fraccionada, a Asociación de Empresarios de Agencias de Carga Completa, o sindicato Unión Xeral de Traballadores (UGT), o Ministerio Fiscal, debo declarar e declaro que o artigo 26 deste é atentatorio ó principio de igualdade e non discriminación, e deberá ser anulado e deixar de producir efecto. Notifíqueselles ás partes coa advertencia de que contra ela cabe interpoñer recurso de suplicación, para ante a Sala do Social do Tribunal Superior de Xustiza de Galicia-A Coruña, dentro dos cinco días seguintes ó da súa notificación, por conducto deste xulgado do social e cos requisitos esixidos no artigo 188 e seguintes do texto articulado da Lei de procedemento laboral do 27-4-1990. A presente sentencia deberá ser notificada á autoridade laboral competente e será executiva desde a data que se dicta, non obstante o recurso que
contra ela puidera interpoñerse. Acórdase así mesmo a publicación da dita sentencia no mesmo boletín oficial no que se publicase o convenio impugnado (Diario Oficial de Galicia). Así por esta miña sentencia, pronúncioo, mándoo e asínoo. José Elías Paz. Rubricado. Publicación. A anterior sentencia foi lida e publicada polo maxistrado que a subscribe, estando celebrando audiencia pública no día da súa data, do que eu secretario certifico. Rafael González Alió. Rubricado».
Concorda ben e fielmente co orixinal a que me remito e para a súa publicación no Diario Oficial de Galicia, expido e asino a presente cédula en Lugo o tres de agosto de mil novecentos noventa e cinco.
Rubricado
9505946