Por Real decreto do 15 de xaneiro de 1982, Boletín Oficial del Estado, do 24 de marzo, foi declarado ben de interese cultural con categoría de monumento histórico artístico o Pazo de Oca, concello da Estrada, provincia de Pontevedra.
Sendo a devandita declaración anterior á entrada en vigor da Lei 16/1985, do 25 de xuño, do patrimonio histórico español, cómpre na actualidade concreta-la delimitación da súa contorna.
En consecuencia, e vistos os informes dos servicios técnicos e órganos consultivos, favorables a incoación do expediente para a delimitación da contorna do Pazo de Oca, concello da Estrada, provincia de Pontevedra. Esta dirección xeral,
RESOLVE:
Primeiro.-Ter por incoado expediente para a delimitación da contorna do Pazo de Oca, no concello da Estrada, provincia de Pontevedra.
Protexer este monumento e a zona afectada pola incoación, sendo a súa delimitación a seguinte:
A delimitación da contorna de protección descríbese graficamente mediante trazo discontinuo no plano
adxunto, está formada pola liña envolvente: 1-2-3-4-5-6-7-8-9-10-11-12-1, e a súa descrición é a seguinte:
Comeza no cruzamento da estrada que vén de Pedrado e vai a Rendo e Basteiros coa que leva á praza do pazo (punto 1); segue por esta última estrada 200 metros dirección sur, ata o cruzamento coa estrada que leva á praza (punto 2); segue 300 metros pola estrada de Oca de Riba ata o cruzamento co camiño que baixa á praza (punto 3); desde alí en liña recta e dirección sur 400 metros ata o cume do outeiro Cotiño (punto 4); desde alí en liña recta uns 200 metros en prolongación da dirección anterior ata o cume do outeiro de Chancelas, atravesando o río dos Badoucos e a fraga da Pechada pola presa nova (punto 5); segue en liña recta, en dirección sudoeste 500 metros ata o cume do outeiro situado ó sur das propiedades do pazo a 100 metros da estrada de Barcia a Rocaforte preto da parada do autobús e un vertedoiro existente sobre o río (punto 6); segue en liña recta en dirección oeste 250 metros ata o cruce da devandita estrada coa que leva a Basteiros e ó mesmo pazo (punto 7); segue pola
estrada do pazo ata a ponte Riobó (punto 8); segue pola mesma estrada ata o cruzamento coa estrada de Basteiros e Ribadulla (punto 9); segue por esta última estrada 250 metros ata o cruzamento co camiño que baixa ó río (punto 10);
desde alí en liña recta ata o outeiro de Rendo (punto 11), desde alí polo camiño de Rendo ata o cruzamento co camiño de Pedrada (punto 12); segue por este último camiño ata o punto de partida, pechando así a delimitación da contorna.
Segundo.-Segui-la tramitación do expediente segundo as disposicións vixentes.
Terceiro.-Dar traslado da resolución ó alcalde da Estrada-Pontevedra e notificarlle que o outorgamento das novas licencias de obras e a execución das xa concedidas antes de incoarse o expediente, precisarán resolución favorable da Dirección Xeral do Patrimonio Histórico e Documental.
Cuarto.-Notifica-la presente resolución ó dono do pazo, ó Rexistro de Bens de Interese Cultural do Ministerio de Cultura, e ó Rexistro de Bens de Interese Cultural de Galicia.
Quinto.-Que a presente resolución sexa publicada no Diario Oficial de Galicia e no Boletín Oficial del Estado, abríndose un período de información pública de 10 días hábiles, contados a partir do día seguinte á súa publicación no Diario Oficial de Galicia.
Santiago de Compostela, 7 de agosto de 1995.
Ángel Sicart Giménez
Director xeral do Patrimonio Histórico e Documental
4901