Visto o expediente instruído por instancia de José Miguel Goiri Llano, na súa calidade de xerente territorial apoderado de Viajes Marsáns, S.A., C.I.C. MA-18, en solicitude de establecemento na rúa Regueiro nº 4 de Vigo, dunha sucursal da axencia de viaxes Viajes Marsáns, S.A., con sede central en Madrid, na rúa Arlabán nº 1.
Resultando que entre a documentación achegada coa referida solicitude, existe unha copia da documentación acreditativa da dispoñibilidade do local e unha copia do contrato de prestación de servicios entre a axencia e a persoa que exercerá o cargo de director.
Resultando que o director está legalmente capacitado para desempeña-lo dito cargo.
Resultando que da análise do expediente se conclúe que Viajes Marsáns, S.A., dispón dunha fianza suficiente segundo o establecido no artigo 15 do Decreto 155/1989, do 22 de xuño.
Considerando que o Servicio de Inspección emitiu informe sobre o estado e equipamento do local, acreditando que reúne as condicións suficientes para poder exerce-la actividade de sucursal de axencia de viaxes.
Considerando que no trámite do expediente se cumpriron as formalidades de rigor e se xustificaron tódolos extremos que fixan o artigo 5, apartados b, c, d e os artigos 10 e 15 do citado decreto.
Considerando os antecedentes expostos, disposicións legais invocadas e demais normas de aplicación.
Esta consellería resolve autorizar á axencia de viaxes Viajes Marsáns, S.A., con sede central en Madrid, na r/ Arlabán nº 1, o establecemento dunha sucursal na r/ Regueiro nº 4 de Vigo. Quedando inscrita no Rexistro de Empresas e Actividades Turísticas da Comunidade Autónoma galega.
Contra esta resolución, o interesado poderá interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses a contar desde o día seguinte ó da súa publicación no Diario Oficial de Galicia.
Santiago de Compostela, 4 de setembro de 1995.
Dositeo Rodríguez Rodríguez
Conselleiro da Presidencia e Administración Pública
9506121
