A Escola Galega de Administración Pública convocou por Resolución do 24 de maio de 1995 (DOG nº 126, do 3 de xullo) unha bolsa de biblioteconomía e documentación para a execución de tarefas desta natureza na biblioteca desta escola.

O tribunal cualificador para a adxudicación desta bolsa, na súa reunión do 29 de agosto de 1995, baremou tódalas solicitudes e propuxo a adxudicación en favor da que obtivo a maior puntuación.

De conformidade coas competencias que me recoñece a normativa vixente e, á vista da proposta do tribunal, resolvo outorgarlle a bolsa de biblioteconomía e documentación a Mª del Carmen Rodríguez Veiga que conseguiu unha puntuación de 26,90 puntos.

Contra esta resolución cabe interpoñer no prazo de un mes recurso ordinario ante o conselleiro da Presidencia e Administración Pública da Xunta de Galicia (artigo 114.2º da Lei 30/1992, do 26 de novembro), sen prexuízo da formulación do recurso contencioso-administrativo contra a resolución do devandito recurso ordinario.

Santiago de Compostela, 31 de agosto de 1995.

Jaime Rodríguez-Arana Muñoz

Director da Escola Galega de Administración Pública

95-05931